Етакчилик

Jamoatingizni O‘zgartirish Yo‘li

Томонидан Mark Dever

​Mark Dever is the senior pastor of Capitol Hill Baptist Church in Washington, D. C., and the President of 9Marks. You can find him on Twitter at @MarkDever.
Article
03.01.2010

Cho‘ponlar tez-tez mendan “Jamoatimizni qanday qilib o‘zgartirishimiz mumkin?” deb so‘rashadi. Juda ko‘p xizmatchilar o‘zgarishlar kiritishga urinib, jamoatlari bilan munosabatlari sovuqlashib qolgan. Hatto ba’zilari jamoatdan haydalgan.

Shunga qaramay, cho‘ponlar sifatida biz jamoatlarimizni o‘zgarish sari yetaklashimiz kerak, hatto bu o‘zgarish odatda qiyin bo‘lgan taqdirda ham. Quyida qanday qilib o‘zgarish olib kelish haqida bir necha maslahatlar keltirilgan: ta’lim bering, jamoatda qoling va seving.

 O‘zgartirish uchun ta’lim bering

Birinchidan, bizning jamoatimiz haqidagi g‘oyalarimiz Muqaddas Kitobdan kelib chiqishi lozim. Bu va’zxonlik minbarini jamoatni o‘zgartirishning eng kuchli quroliga aylantiradi. Muqaddas Kitobni doimiy ekspozitsional (izohli) va’z qilish orqali Xudoning Ruhi insonlarning qalblarida ishlaydi.

Xudo jamoatingiz qanday o‘zgarishi kerakligini va’zlaringiz orqali o‘rgatishi uchun ibodat qiling. Biz cho‘ponlar odatda muammolarni izohlash uchun vaqt ajratishdan oldin muammolarni hal qilishni xohlashimiz insonni hayratga soladi!

Juda ko‘p cho‘ponlar buni jamoatga ma’lum qilishlari kerak bo‘lganda, yo‘lboshchi sifatida o‘zlarini himoya qilgan holda, jamoatlariga o‘zgarishni kuch bilan olib kirmoqchi bo‘lishadi. Birodarlar, biz o‘zimizga ishonib topshirilgan suruvni savalashimiz emas, boqishimiz kerak. Ularga ta’lim bering.

Hatto sizning xayolingizdagi o‘zgarish to‘g‘ri bo‘lgan taqdirda ham, buni hozir amalga oshirish to‘g‘ri bo‘ladimi, degan savol qolmoqda. O‘zgarish borasida haq ekanligingiz darhol harakatga kirishish uchun ruxsatnoma bermaydi va shu joyda men ikkinchi punktga o‘taman.

O‘zgartirish uchun jamoatda qoling

Bitta joyga o‘zini bag‘ishlash g‘oyasi ish joyida va uyda o‘z ahamiyatini yo‘qotib bormoqda. Yosh avlod ehtiyotkorlik bilan chegaralangan yo‘lakchalari bor, oldindan tayyorlangan zinapoya modelini emas, balki o‘zining muqobillari va variantlari bilan cheksiz tarqalib borayotgan butun olam o‘rgimchak to‘ri mozaykasi modelini tanlashadi. Biz o‘zgarib borayotgan voqeliklarni qadrlashga, har bir kishi boshqalarni takrorlamasdan, bir-birini boyitishini tushunishga o‘rgatib borilmoqdamiz.

Biz cho‘ponlar jamoatlarimizga boshqacha model o‘rnatishimiz kerak. Biz ularni bitta joyga sodiq qolish – xoh u nikoh yoki oila bo‘ladimi, xoh do‘stlarimiz yoki imonimiz bo‘ladimi, xoh jamoatimiz yoki qo‘shnilarimiz bo‘ladimi – bu yaxshi ekanligini o‘rgatishimiz lozim. Uzoq muddatli (bir necha oylar emas, bir necha o‘n yilliklar haqida o‘ylang) sodiqlik nuqtai nazaridan kelib chiqqan holda, biz jamoatlarimizga o‘zlariining to‘g‘ri ustuvorliklarini topishlariga yordam bera olamiz.

Cho‘pon sifatida, jamoatingiz o‘zgarishiga yordam berishingiz uchun eng katta kuch sizning kuchli shaxsiyatingiz orqali emas, balki yillar davomida sadoqat va sabr-toqat bilan ta’lim berish orqali keladi. Bu yili sodir bo‘lmagan o‘zgarishlar kelasi yilda sodir bo‘lishi mumkin yoki keyingi o‘n yil ichida.

Shu sababli, bitta zaruriy o‘zgarishni boshqasidan ustunligini ehtiyotkorlik bilan aniqlab, kurashlaringizni donolik bilan tanlang. Zaruriy o‘zgarishlarning qaysilari hozir ko‘proq zarur? Qaysilari hali kutib turishi mumkin? Umumiy qilib aytganda, cho‘ponlar puxta va uzoqni ko‘zlab o‘ylashni o‘rganishlari kerak.

Uzoq vaqt davomida cho‘ponlik qilish cho‘ponga ham yordam beradi. U cho‘ponni o‘z vazifasini ikki yoki uch yil bajarib, keyin yana boshqa joyga o‘tish usullari bilan kelishdan saqlaydi. Umuman olganda, biz qancha ko‘proq tursak, shuncha haqiqiy bo‘lishimizga to‘g‘ri keladi va bu bizning qalbimiz uchun hamda biz xizmat qilayotganlar uchun yaxshidir.

O‘zgarishning kaliti bir jamoatda yetarlicha uzoq muddatda qolib, ularga ta’lim berishdir. Agar sen qolishni rejalashtirmayotgan bo‘lsang, unda biron narsani boshlashga ehtiyot bo‘lgin, chunki sendan keyingi odam buni yakunlashi kerak. Jamoatni sendan yoki sendan keyin o‘rningni egallaydigan odamdan yoki o‘zgarishning o‘zidan ko‘ngli qolgan holda tashlab ketma.

Seminariyaning yosh talabasi sifatida, men uchta Kembridj ingliz ruhoniysini o‘zim uchun o‘rnak qilib oldim. Ularning uchalasi ham ko‘p yillar davomida muhim joylarda ekspozitsional (izohli) xizmatlar qilib kelishgan — Richard Sibbes (Kembridj va Londonda, 30 yil davomida), Charles Simeon (Kembridjda, 50 yildan ko‘proq vaqt davomida) va Jon Stott (Londonda, 50 yildan ko‘proq vaqt davomida). Xudoning inoyati bilan bu insonlarning uchalasi ham o‘zlari xizmat qilgan jamoatlarni barpo etishgan va o‘sib kelayotgan xizmatchilar avlodiga o‘zlarining uzoq muddatli sadoqatlari orqali ta’sir ko‘rsatishgan.

O‘zgartirish uchun seving

To‘g‘ri o‘zgarishlarni chin dildan xohlash, ular haqida ta’lim berish, yetarlicha uzoq muddatga jamoatda qolish uchun siz sevishingiz kerak. Siz Rabbimizni sevishingiz lozim va sizga ishonib topshirilgan odamlarni sevishingiz kerak.

Rim Klementi aytadiki, “Masih kamtarin qalblarga tegishli, o‘zlarini o‘z suruvlaridan yuqori tutadiganlarga emas.” Sevgidan sabr-toqat kelib chiqadi va bu jamoatni yana va yana Xudoning Kalomi sari yo‘naltiradi.

Jonatan Edvards sadoqati kam cho‘pon emas edi, lekin, uning jamoati uni o‘z vazifasidan bo‘shatadi. Bizlardan ba’zilarimiz qisqa bo‘lsada, sadoqatli cho‘ponlik vazifasini o‘taganmiz. Lekin, bu joyda men aytmoqchi bo‘lgan narsa bu emas. Bu qisqa maqola orqali men qanday qilib ta’lim berish, jamoatda qolish va sevish orqali jamoatingizni Kalomga asoslangan o‘zgarish sari olib borishingiz mumkinligi haqida xayolingizda ba’zi fikrlar uyg‘otishga urindim xolos.

Mark Dever

Жамоатингизни Ўзгартириш Йўли

Чўпонлар тез-тез мендан “Жамоатимизни қандай қилиб ўзгартиришимиз мумкин?” деб сўрашади. Жуда кўп хизматчилар ўзгаришлар киритишга уриниб, жамоатлари билан муносабатлари совуқлашиб қолган. Ҳатто баъзилари жамоатдан ҳайдалган.

Шунга қарамай, чўпонлар сифатида биз жамоатларимизни ўзгариш сари етаклашимиз керак, ҳатто бу ўзгариш одатда қийин бўлган тақдирда ҳам. Қуйида қандай қилиб ўзгариш олиб келиш ҳақида бир неча маслаҳатлар келтирилган: таълим беринг, жамоатда қолинг ва севинг.

Ўзгартириш учун таълим беринг

Биринчидан, бизнинг жамоатимиз ҳақидаги ғояларимиз Муқаддас Китобдан келиб чиқиши лозим. Бу ваъзхонлик минбарини жамоатни ўзгартиришнинг энг кучли қуролига айлантиради. Муқаддас Китобни доимий экспозитсионал (изоҳли) ваъз қилиш орқали Худонинг Руҳи инсонларнинг қалбларида ишлайди.

Худо жамоатингиз қандай ўзгариши кераклигини ваъзларингиз орқали ўргатиши учун ибодат қилинг. Биз чўпонлар одатда муаммоларни изоҳлаш учун вақт ажратишдан олдин муаммоларни ҳал қилишни хоҳлашимиз инсонни ҳайратга солади!

Жуда кўп чўпонлар буни жамоатга маълум қилишлари керак бўлганда, йўлбошчи сифатида ўзларини ҳимоя қилган ҳолда, жамоатларига ўзгаришни куч билан олиб кирмоқчи бўлишади. Биродарлар, биз ўзимизга ишониб топширилган сурувни савалашимиз эмас, боқишимиз керак. Уларга таълим беринг.

Ҳатто сизнинг хаёлингиздаги ўзгариш тўғри бўлган тақдирда ҳам, буни ҳозир амалга ошириш тўғри бўладими, деган савол қолмоқда. Ўзгариш борасида ҳақ эканлигингиз дарҳол ҳаракатга киришиш учун рухсатнома бермайди ва шу жойда мен иккинчи пунктга ўтаман.

Ўзгартириш учун жамоатда қолинг

Битта жойга ўзини бағишлаш ғояси иш жойида ва уйда ўз аҳамиятини йўқотиб бормоқда. Ёш авлод эҳтиёткорлик билан чегараланган йўлакчалари бор, олдиндан тайёрланган зинапоя моделини эмас, балки ўзининг муқобиллари ва вариантлари билан чексиз тарқалиб бораётган бутун олам ўргимчак тўри мозайкаси моделини танлашади. Биз ўзгариб бораётган воқеликларни қадрлашга, ҳар бир киши бошқаларни такрорламасдан, бир-бирини бойитишини тушунишга ўргатиб борилмоқдамиз.

Биз чўпонлар жамоатларимизга бошқача модел ўрнатишимиз керак. Биз уларни битта жойга содиқ қолиш – хоҳ у никоҳ ёки оила бўладими, хоҳ дўстларимиз ёки имонимиз бўладими, хоҳ жамоатимиз ёки қўшниларимиз бўладими – бу яхши эканлигини ўргатишимиз лозим. Узоқ муддатли (бир неча ойлар эмас, бир неча ўн йилликлар ҳақида ўйланг) содиқлик нуқтаи назаридан келиб чиққан ҳолда, биз жамоатларимизга ўзлариининг тўғри устуворликларини топишларига ёрдам бера оламиз.

Чўпон сифатида, жамоатингиз ўзгаришига ёрдам беришингиз учун энг катта куч сизнинг кучли шахсиятингиз орқали эмас, балки йиллар давомида садоқат ва сабр-тоқат билан таълим бериш орқали келади. Бу йили содир бўлмаган ўзгаришлар келаси йилда содир бўлиши мумкин ёки кейинги ўн йил ичида.

Шу сабабли, битта зарурий ўзгаришни бошқасидан устунлигини эҳтиёткорлик билан аниқлаб, курашларингизни донолик билан танланг. Зарурий ўзгаришларнинг қайсилари ҳозир кўпроқ зарур? Қайсилари ҳали кутиб туриши мумкин? Умумий қилиб айтганда, чўпонлар пухта ва узоқни кўзлаб ўйлашни ўрганишлари керак.

Узоқ вақт давомида чўпонлик қилиш чўпонга ҳам ёрдам беради. У чўпонни ўз вазифасини икки ёки уч йил бажариб, кейин яна бошқа жойга ўтиш усуллари билан келишдан сақлайди. Умуман олганда, биз қанча кўпроқ турсак, шунча ҳақиқий бўлишимизга тўғри келади ва бу бизнинг қалбимиз учун ҳамда биз хизмат қилаётганлар учун яхшидир.

Ўзгаришнинг калити бир жамоатда етарлича узоқ муддатда қолиб, уларга таълим беришдир. Агар сен қолишни режалаштирмаётган бўлсанг, унда бирон нарсани бошлашга эҳтиёт бўлгин, чунки сендан кейинги одам буни якунлаши керак. Жамоатни сендан ёки сендан кейин ўрнингни эгаллайдиган одамдан ёки ўзгаришнинг ўзидан кўнгли қолган ҳолда ташлаб кетма.

Семинариянинг ёш талабаси сифатида, мен учта Кембридж инглиз руҳонийсини ўзим учун ўрнак қилиб олдим. Уларнинг учаласи ҳам кўп йиллар давомида муҳим жойларда экспозитсионал (изоҳли) хизматлар қилиб келишган — Ричард Сиббес (Кембридж ва Лондонда, 30 йил давомида), Чарлес Симеон (Кембриджда, 50 йилдан кўпроқ вақт давомида) ва Жон Стотт (Лондонда, 50 йилдан кўпроқ вақт давомида). Худонинг инояти билан бу инсонларнинг учаласи ҳам ўзлари хизмат қилган жамоатларни барпо этишган ва ўсиб келаётган хизматчилар авлодига ўзларининг узоқ муддатли садоқатлари орқали таъсир кўрсатишган.

Ўзгартириш учун севинг

Тўғри ўзгаришларни чин дилдан хоҳлаш, улар ҳақида таълим бериш, етарлича узоқ муддатга жамоатда қолиш учун сиз севишингиз керак. Сиз Раббимизни севишингиз лозим ва сизга ишониб топширилган одамларни севишингиз керак.

Рим Клементи айтадики, “Масиҳ камтарин қалбларга тегишли, ўзларини ўз сурувларидан юқори тутадиганларга эмас.” Севгидан сабр-тоқат келиб чиқади ва бу жамоатни яна ва яна Худонинг Каломи сари йўналтиради.

Жонатан Эдвардс садоқати кам чўпон эмас эди, лекин, унинг жамоати уни ўз вазифасидан бўшатади. Бизлардан баъзиларимиз қисқа бўлсада, садоқатли чўпонлик вазифасини ўтаганмиз. Лекин, бу жойда мен айтмоқчи бўлган нарса бу эмас. Бу қисқа мақола орқали мен қандай қилиб таълим бериш, жамоатда қолиш ва севиш орқали жамоатингизни Каломга асосланган ўзгариш сари олиб боришингиз мумкинлиги ҳақида хаёлингизда баъзи фикрлар уйғотишга уриндим холос.

Марк Девер