Етакчилик

Tayyorlanayotgan cho‘pon uchun o‘rganishi kerak bo‘lgan eng muhim narsalar nimalardan iborat?

Answer
12.14.2018
  1. Muqaddas Kitob. Cho‘pon uchun eng birinchi ustuvor narsa – Kalomni va’z qilishdir (2-Tim. 4:2). Tayyorlanayotgan cho‘pon uchun eng asosiy narsa Kalomni o‘rganish bo‘lishi kerak.
  2. Muqaddaslik. Oqsoqol uchun talab etiladigan asosiy xususiyatlar bu axloqiy va ruhiy xususiyatlardir (1-Tim. 3:2-7). Cho‘pon o‘z odamlariga namuna ko‘rsatish orqali cho‘ponlik qilishi kerak (1-But. 5:3). Shuning uchun, bu xizmatda bo‘lishga intilayotgan inson doimiy, jiddiy mehnat talab etadigan muqaddaslik sari qattiq intilishi kerak.
  3. Kamtarlik. Xudoning suruviga cho‘ponlik qilishda siz Isoning xizmat qildirish emas, balki xizmat qilish namunasiga ergashishingiz kerak (Mark 10:45). Kamtarlik Xudo qo‘zilarining cho‘poni bo‘lishga intilayotgan odamning o‘ziga xos xususiyati bo‘lishi kerak.
  4. Va’z qilish. Va’z qilish cho‘ponning asosiy ishi ekan, tayyorlanayotgan cho‘pon va’z aytish uchun har qanday imkoniyatdan foydalanishi kerak. U, shu bilan birga, tajribali cho‘ponlardan tanqidiy fikr va maslahat berishlarini so‘rashi kerak.
  5. Ustozlik qilish. Cho‘pon bo‘lish uchun, inson imonli birodarlariga shaxsan qanday yo‘l-yo‘riq, maslahat, dalda, tanbeh berishni, ularni qanday ruhlantirishni bilishi kerak. Faqatgina bu emas, balki cho‘pon bo‘lish hali niyatida bo‘lsada, shu usullarni bajarish orqali odamlarni ruhan yaxshilayotgani amalda ko‘rinishi kerak.
  6. Muqaddas Kitobda jamoat haqida nima deyilganligi. Havoriy Pavlus Korinfga kelganda, mohir bir me’morday imoratning poydevorini qo‘yganini aytadi (1-Kor. 3:10). Donolik bilan qurish uchun, cho‘pon nimani qurayotganini bilishi kerak. Shuning uchun, tayyorlanayotgan cho‘pon Xudo O‘z Kalomida jamoat haqida nima deyilganini yaxshigina o‘rganishi kerak.
  7. Tanqid, dalda va tilyog‘lamalikka qanday munosabatda bo‘lish. Cho‘pon bularning har uchalasini ham qabul qiladi. U tanqidni qanday kamtarlik bilan qabul qilib, undan to‘g’ri xulosa chiqarishni, daldani minnatdorchilik bilan qabul qilib, undan qanday to‘g‘ri foyda olishni va tilyog‘lamalikni donolik bilan bartaraf etishni bilishi kerak.
  8. Sabr-toqat. Xizmatga tayyorlanayotgan yosh odamlarda, odatda, sabr-toqat mo‘l-ko‘l bo‘lmaydi. Bu muammodir, chunki cho‘ponlik xizmatida sabr-toqat juda ko‘p kerak bo‘ladi. Tayyorlanayotgan cho‘ponlar sabr-toqat uchun ibodat qilishlari, uni shakllantirishlari va bir xil odamlarga bir necha o‘n yillar davomida qanday xizmat qilishni tajribali cho‘ponlardan o‘rganishlari kerak.

Тайёрланаётган чўпон учун ўрганиши керак бўлган энг муҳим нарсалар нималардан иборат?

  1. Муқаддас Китоб. Чўпон учун энг биринчи устувор нарса – Каломни ваъз қилишдир (2 Тим. 4:2). Тайёрланаётган чўпон учун энг асосий нарса Каломни ўрганиш бўлиши керак.
  2. Муқаддаслик. Оқсоқол учун талаб этиладиган асосий хусусиятлар бу ахлоқий ва руҳий хусусиятлардир (1 Тим. 3:2-7). Чўпон ўз одамларига намуна кўрсатиш орқали чўпонлик қилиши керак (1 Бут. 5:3). Шунинг учун, бу хизматда бўлишга интилаётган инсон доимий, жиддий меҳнат талаб этадиган муқаддаслик сари қаттиқ интилиши керак.
  3. Камтарлик. Худонинг сурувига чўпонлик қилишда сиз Исонинг хизмат қилдириш эмас, балки хизмат қилиш намунасига эргашишингиз керак (Марк 10:45). Камтарлик Худо қўзиларининг чўпони бўлишга интилаётган одамнинг ўзига хос хусусияти бўлиши керак.
  4. Ваъз қилиш. Ваъз қилиш чўпоннинг асосий иши экан, тайёрланаётган чўпон ваъз айтиш учун ҳар қандай имкониятдан фойдаланиши керак. У, шу билан бирга, тажрибали чўпонлардан танқидий фикр ва маслаҳат беришларини сўраши керак.
  5. Устозлик қилиш. Чўпон бўлиш учун, инсон имонли биродарларига шахсан қандай йўл-йўриқ, маслаҳат, далда, танбеҳ беришни, уларни қандай руҳлантиришни билиши керак. Фақатгина бу эмас, балки чўпон бўлиш ҳали ниятида бўлсада, шу усулларни бажариш орқали одамларни руҳан яхшилаётгани амалда кўриниши керак.
  6. Муқаддас Китобда жамоат ҳақида нима дейилганлиги. Ҳаворий Павлус Коринфга келганда, моҳир бир меъмордай иморатнинг пойдеворини қўйганини айтади (1 Кор. 3:10). Донолик билан қуриш учун, чўпон нимани қураётганини билиши керак. Шунинг учун, тайёрланаётган чўпон Худо Ўз Каломида жамоат ҳақида нима дейилганини яхшигина ўрганиши керак.
  7. Танқид, далда ва тилёғламаликка қандай муносабатда бўлиш. Чўпон буларнинг ҳар учаласини ҳам қабул қилади. У танқидни қандай камтарлик билан қабул қилиб, ундан тўғри хулоса чиқаришни, далдани миннатдорчилик билан қабул қилиб, ундан қандай тўғри фойда олишни ва тилёғламаликни донолик билан бартараф этишни билиши керак.
  8. Сабр-тоқат. Хизматга тайёрланаётган ёш одамларда, одатда, сабр-тоқат мўл-кўл бўлмайди. Бу муаммодир, чунки чўпонлик хизматида сабр-тоқат жуда кўп керак бўлади. Тайёрланаётган чўпонлар сабр-тоқат учун ибодат қилишлари, уни шакллантиришлари ва бир хил одамларга бир неча ўн йиллар давомида қандай хизмат қилишни тажрибали чўпонлардан ўрганишлари керак.