бошқалар

Jamoatlar yig‘ilganda nima qilishlari kerakligi haqida Yangi Ahdda nima deyilgan?

Answer
12.04.2018

Yangi Ahdda jamoatlar yig‘ilganda ular Kalomni o‘qishlari, Kalomni va’z qilishlari, Kalomni ibodat qilishlari, Kalomni kuylashlari va Kalomni ko‘rishlari kerakligi aytilgan.

  1. Kalomni o‘qish: Pavlus Timo‘tiyga “Muqaddas Bitiklarni ovoz chiqarib o‘qishga .. vaqtingni bag‘ishla”, deb aytadi (1 Tim. 4:13). Jamoatlar o‘z yig‘ilishlarida Kalomni ovoz chiqarib o‘qishlari lozim.
  1. Kalomni va’z qilish: Pavlus Timo‘tiyga, “Xudoning Kalomini targ‘ib qil”, deb aytadi (2 Tim. 4:2). Pavlusning o‘zi “Xudoning butun maqsadini” Efesdagi jamoatga bayon qiladi (Havoriylar 20:27). Jamoat yig‘ilishlari bugungi kunda Muqaddas Kitobdagi parchaning asosiy g‘oyasini olib, va’zning asosiy g‘oyasiga aylantiradigan va bugungi hayotga moslashtiradigan va’zlarga markazlanishi kerak.
  2. Kalomni ibodat qilish: Pavlus yig‘ilgan jamoatda ibodatlar qilinishiga chorlaydi (1 Tim. 2:8, 3:14-15). Bu ibodatlarning mazmuni Kalomga asoslangan bo‘lsin, toki barcha qatnashuvchilarni tuzatsin (1 Kor. 14:12, 26). Bu jamoat yig‘ilishlaridagi ibodatlar quruq va rasmiyatchilik yuzasidan qilinadigan bo‘lishini anglatmaydi, lekin ular Kalomga boy bo‘lishi lozim.
  3. Kalomni kuylash: Pavlus Kolossadagi jamoatga, “Masihning kalomi sizda chuqur o‘rnashib, yashnayversin. Donolik bilan bir-biringizga ta’lim bering, nasihat qiling. Zaburlarni xonish qilib, madhiyalar va ruhiy qo‘shiqlar bilan, chin ko‘ngildan minnatdorchilik bildirib, Xudoni tarannum etinglar”, deb aytadi (Kol. 3:16). Bu jamoatlar faqatgina Zabur Sanolarini yoki faqatgina Muqaddas Kitobdagi so‘zlarni kuylashlarini bildirmaydi, balki jamoatlar Kalom tili va teologiyasi bilan boyitilgan qo‘shiqlarni kuylashlarini anglatadi.
  4. Kalomni ko‘rish: Biz “Kalomni ko‘rish” deb aytamiz, chunki Cho‘mdirilish va Qutlug‘ Kechlik marosimlari, Avgustin ta’biri bilan aytganda, “ko‘rinadigan so‘zlardir.” Cho‘mdirilishda va Qutlug‘ Kechlikda biz So‘zni ko‘ramiz, hidlaymiz, tegamiz va ta’mini sezamiz. Masihiy jamoatlar Cho‘mdirilish va Qutlug‘ kechlikni o‘zlarining umumiy yig‘ilishlarida nishonlashlari kerak (1 Kor. 11:17-34).

(Ushbu material Ligon Duncanning quyidagi asaridan foydalanib tayyorlangan Give Praise to God: A Vision for Reforming Worship, chapter “Foundations for Biblically Directed Worship”, ed. Philip Graham Ryken, Derek W.H. Thomas, va J. Ligon Duncan, III [Phillipsburg: P&R Publishing Co., 2003], 65-68 betlar)

Жамоатлар йиғилганда нима қилишлари кераклиги ҳақида Янги Аҳдда нима дейилган?

Янги Аҳдда жамоатлар йиғилганда улар Каломни ўқишлари, Каломни ваъз қилишлари, Каломни ибодат қилишлари, Каломни куйлашлари ва Каломни кўришлари кераклиги айтилган.

  1. Каломни ўқиш: Павлус Тимўтийга “Муқаддас Битикларни овоз чиқариб ўқишга .. вақтингни бағишла”, деб айтади (1 Тим. 4:13). Жамоатлар ўз йиғилишларида Каломни овоз чиқариб ўқишлари лозим.
  2. Каломни ваъз қилиш: Павлус Тимўтийга, “Худонинг Каломини тарғиб қил”, деб айтади (2 Тим. 4:2). Павлуснинг ўзи “Худонинг бутун мақсадини” Эфесдаги жамоатга баён қилади (Ҳаворийлар 20:27). Жамоат йиғилишлари бугунги кунда Муқаддас Китобдаги парчанинг асосий ғоясини олиб, ваъзнинг асосий ғоясига айлантирадиган ва бугунги ҳаётга мослаштирадиган ваъзларга марказланиши керак.
  3. Каломни ибодат қилиш: Павлус йиғилган жамоатда ибодатлар қилинишига чорлайди (1 Тим. 2:8, 3:14-15). Бу ибодатларнинг мазмуни Каломга асосланган бўлсин, токи барча қатнашувчиларни тузатсин (1 Кор. 14:12, 26). Бу жамоат йиғилишларидаги ибодатлар қуруқ ва расмиятчилик юзасидан қилинадиган бўлишини англатмайди, лекин улар Каломга бой бўлиши лозим.
  4. Каломни куйлаш: Павлус Колоссадаги жамоатга, “Масиҳнинг каломи сизда чуқур ўрнашиб, яшнайверсин. Донолик билан бир-бирингизга таълим беринг, насиҳат қилинг. Забурларни хониш қилиб, мадҳиялар ва руҳий қўшиқлар билан, чин кўнгилдан миннатдорчилик билдириб, Худони тараннум этинглар”, деб айтади (Кол. 3:16). Бу жамоатлар фақатгина Забур Саноларини ёки фақатгина Муқаддас Китобдаги сўзларни куйлашларини билдирмайди, балки жамоатлар Калом тили ва теологияси билан бойитилган қўшиқларни куйлашларини англатади.
  5. Каломни кўриш: Биз “Каломни кўриш” деб айтамиз, чунки Чўмдирилиш ва Қутлуғ кечлик маросимлари, Августин таъбири билан айтганда, “кўринадиган сўзлардир.” Чўмдирилишда ва Қутлуғ Кечликда биз Сўзни кўрамиз, ҳидлаймиз, тегамиз ва таъмини сезамиз. Масиҳий жамоатлар Чўмдирилиш ва Қутлуғ кечликни ўзларининг умумий йиғилишларида нишонлашлари керак (1 Кор. 11:17-34).

(Ушбу материал Лигон Дунcаннинг қуйидаги асаридан фойдаланиб тайёрланган Give Praise to God: A Vision for Reforming Worship, chapter “Foundations for Biblically Directed Worship”, ed. Philip Graham Ryken, Derek W.H. Thomas, ва J. Ligon Duncan, III [Phillipsburg: P&R Publishing Co., 2003], 65-68 бетлар)