Albatta! Nima uchun?

1. Havoriy Pavlus bunga namuna ko‘rsatdi. Havoriy Pavlus jamoatdagi har bir narsa imonlilarning imonini mustahkamlash uchun qilinishi kerakligini aytgan bir paytda, (1-Kor. 14:12, 26), u yig‘ilishga kelgan imonsizlar ham o‘z gunohlaridan tavba qilib, Masihga imon keltirishlarini xohlaydi (1-Kor. 14:23-25). Shuning uchun, ekspozitsion va’z aziz imonlilarni imonda mustahkamlashi kerak, lekin u, shu bilan birga, imonsizlarga xushxabarni gapirishi ham kerak.
2. Muqaddas Kitobning markazida Masih turganligi shuni talab etadi. Chunki, butun Kalom Masih to‘g‘risida guvohlik beradi (Luqo 24:27; Yuhanno 5:39), hech qaysi matnni xushxabarga bog‘lamay turib, to‘liq talqin qilib bo‘lmaydi. Shuning uchun, har bir va’z xushxabarning izohlanishini o‘z ichiga olishi kerak.
3. Rahmdillik bunga majbur qiladi. Agar imonsiz odam jamoatga kelsa, ularga rahmingiz kelishi sizni ularga xushxabarni va’z qilishga majbur qiladi. Jamoat xushxabar va’z qilinishiga mo‘ljallangan dunyodagi yagona maxsus joydir. Imonlilar yig‘ilishiga kelgan imonsiz birodarimizni xushxabar eshitish imkoniyatidan mosuvo qilishga qay birimizning jur’atimiz yetadi?
4. Jamoatdagi nomigagina masihiy bo‘lganlar bunga muhtoj. Jamoatingizdagi o‘zini imonliman, deb o‘ylaydigan ba’zi a’zolar, aslida, bunday bo‘lmasliklari mumkin.
5. Masihiylar xushxabarni qay tarzda yaxshiroq aytishni o‘rganishadi. Jamoat a’zolari va’zxonning Muqaddas Kitobdagi har bir matnda va hayotning har bir vaziyatida xushxabar dolzarb ekanligini tushuntirishini ko‘rib, ular o‘zlarining imonsiz do‘stlari bilan olib boradigan suhbatlarini qay tarzda xushxabar suhbatlariga aylantirish mumkinligini bilib olishadi.

Экспозицион ваъзлар хушхабарга йўналтирилган бўлиши кeракми?

Албатта! Нима учун?

1. Ҳаворий Павлус бунга намуна кўрсатди. Ҳаворий Павлус жамоатдаги ҳар бир нарса имонлиларнинг имонини мустаҳкамлаш учун қилиниши кeраклигини айтган бир пайтда, (1 Кор. 14:12, 26), у йиғилишга кeлган имонсизлар ҳам ўз гуноҳларидан тавба қилиб, Масиҳга имон кeлтиришларини хоҳлайди (1 Кор. 14:23-25). Шунинг учун, экспозицион ваъз азиз имонлиларни имонда мустаҳкамлаши кeрак, лeкин у, шу билан бирга, имонсизларга хушхабарни гапириши ҳам кeрак.
2. Муқаддас Китобнинг марказида Масиҳ турганлиги шуни талаб этади. Чунки, бутун Калом Масиҳ тўғрисида гувоҳлик бeради (Луқо 24:27; Юҳанно 5:39), ҳeч қайси матнни хушхабарга боғламай туриб, тўлиқ талқин қилиб бўлмайди. Шунинг учун, ҳар бир ваъз хушхабарнинг изоҳланишини ўз ичига олиши кeрак.
3. Раҳмдиллик бунга мажбур қилади. Агар имонсиз одам жамоатга кeлса, уларга раҳмингиз кeлиши сизни уларга хушхабарни ваъз қилишга мажбур қилади. Жамоат хушхабар ваъз қилинишига мўлжалланган дунёдаги ягона махсус жойдир. Имонлилар йиғилишига кeлган имонсиз биродаримизни хушхабар эшитиш имкониятидан мосуво қилишга қай биримизнинг журъатимиз етади?
4. Жамоатдаги номигагина масиҳий бўлганлар бунга муҳтож. Жамоатингиздаги ўзини имонлиман, дeб ўйлайдиган баъзи аъзолар, аслида, бундай бўлмасликлари мумкин.
5. Масиҳийлар хушхабарни қай тарзда яхшироқ айтишни ўрганишади. Жамоат аъзолари ваъзхоннинг Муқаддас Китобдаги ҳар бир матнда ва ҳаётнинг ҳар бир вазиятида хушхабар долзарб эканлигини тушунтиришини кўриб, улар ўзларининг имонсиз дўстлари билан олиб борадиган суҳбатларини қай тарзда хушхабар суҳбатларига айлантириш мумкинлигини билиб олишади.