Экспозицион Ваъз

Cho‘pon nima uchun ekspozitsion va’z aytishi kerak?

Answer
01.06.2019

Cho‘pon ekspozitsion (izohli) va’z aytishi kerak, chunki Xudo Kalomi orqali Xudo ishlaydi. Gapiruvchi Xudo ijro etuvchi hamdir.*

  • Xudo olamni O‘z Kalomi orqali yaratgan (Ibt. 1:3; Zab. 33:6), va U bizni O‘z Kalomi orqali yangidan yaratadi (2-Kor. 4:5-6).
  • Xudo Ibrohimni So‘zi orqali O‘ziga chaqirgan va U imonlilarni So‘zi orqali O‘ziga chaqirmoqda (Ibt. 12:3; Rim. 8:30).
  • Xudoning Kalomi yuqoridan tug‘ilishimizga sabab bo‘ladi (1-But. 1:23).
  • Xudoning Kalomi bizni muqaddaslaydi (Yuh. 17:17).
  • Xudoning Kalomi biz imonlilarning hayotida Xudoga ko‘proq ulug‘vorlik keltirishimiz uchun ishlayapti (1-Sal. 2:13).

Xudoning Kalomi faqatgina tasvirlovchi emas, u ta’sir ko‘rsatuvchi hamdir. Xudoning Kalomi faqatgina bayon etib bermaydi, u yuzaga keltiradi ham. Hatto o‘lim ham, hayot ham tilimizning hukmida ekan (Hikm. 18:21), abadiy hayot Xudoning Kalomiga chambarchas bog‘liqdir.

Shunday qilib, bu va’zxon uchun qanday ma’noga ega? Bu xizmatingizda mavjud bo‘lgan yagona qudrat Xudoning Kalomi orqali ishlaydigan Xudoning ruhidan kelishini anglatadi. Gunohkorlarni faqatgina Xudoning Kalomi va Ruhi imonga keltiradi. Xudoning Kalomi va Ruhi aziz imonlilarning imonini mustahkamlaydi. Faqatgina Xudoning Kalomi va Ruhi Xudoning bu dunyodagi maqsadlarini amalga oshiradi (Ishayo 55:10-11).

Mana shuning uchun ham, har bir cho‘pon “ekspozitsion” tarzda va’z qilishi– ya’ni, Kalomdagi parchaning asosiy g‘oyasini olib, uni va’zning asosiy g‘oyasiga aylantirishi va uni hayotga qo‘llashi (moslatirishi) kerak. Cho‘pon har hafta uning jamoati nimani eshitish kerak deb emas, Xudo O‘z Kalomida ularga nima aytgan, degan savoldan boshlashi kerak.

(*Ushbu materialning ba’zi qismi Maykl Hortonning Odamlar va Joy [Michael Horton, People and Place Louisville: Westminster John Knox, 2008, 39-42] nomli asaridan foydalanib tayyorlangan)

Чўпон нима учун экспозицион ваъз айтиши керак?

Чўпон экспозицион (изоҳли) ваъз айтиши керак, чунки Худо Каломи орқали Худо ишлайди. Гапирувчи Худо ижро этувчи ҳамдир.*

  • Худо оламни Ўз Каломи орқали яратган (Ибт. 1:3; Заб. 33:6), ва У бизни Ўз Каломи орқали янгидан яратади (2 Кор. 4:5-6).
  • Худо Иброҳимни Сўзи орқали Ўзига чақирган ва У имонлиларни Сўзи орқали Ўзига чақирмоқда (Ибт. 12:3; Рим. 8:30).
  • Худонинг Каломи юқоридан туғилишимизга сабаб бўлади (1 Бут. 1:23).
  • Худонинг Каломи бизни муқаддаслайди (Юҳ. 17:17).
  • Худонинг Каломи биз имонлиларнинг ҳаётида Худога кўпроқ улуғворлик келтиришимиз учун ишлаяпти (1 Сал. 2:13).

Худонинг Каломи фақатгина тасвирловчи эмас, у таъсир кўрсатувчи ҳамдир. Худонинг Каломи фақатгина баён этиб бермайди, у юзага келтиради ҳам. Ҳатто ўлим ҳам, ҳаёт ҳам тилимизнинг ҳукмида экан (Ҳикм. 18:21), абадий ҳаёт Худонинг Каломига чамбарчас боғлиқдир.

Шундай қилиб, бу ваъзхон учун қандай маънога эга? Бу хизматингизда мавжуд бўлган ягона қудрат Худонинг Каломи орқали ишлайдиган Худонинг руҳидан келишини англатади. Гуноҳкорларни фақатгина Худонинг Каломи ва Руҳи имонга келтиради. Худонинг Каломи ва Руҳи азиз имонлиларнинг имонини мустаҳкамлайди. Фақатгина Худонинг Каломи ва Руҳи Худонинг бу дунёдаги мақсадларини амалга оширади (Ишаё 55:10-11).

Мана шунинг учун ҳам, ҳар бир чўпон “експозицион” тарзда ваъз қилиши– яъни, Каломдаги парчанинг асосий ғоясини олиб, уни ваъзнинг асосий ғоясига айлантириши ва уни ҳаётга қўллаши (мослатириши) керак. Чўпон ҳар ҳафта унинг жамоати нимани эшитиш керак деб эмас, Худо Ўз Каломида уларга нима айтган, деган саволдан бошлаши керак.

(*Ушбу материалнинг баъзи қисми Майкл Ҳортоннинг Одамлар ва Жой [Michael Horton, People and Place Louisville: Westminster John Knox, 2008, 39-42) номли асаридан фойдаланиб тайёрланган)