Инжил Хушхабари

Nima uchun masihiylar xushxabarni eshitishni davom etishlari kerak?

Томонидан Cameron Smart

Cameron Smart is a church planter in Central Asia.
Article
11.22.2019

Ba’zi odamlar xushxabar faqatgina xushxabarchilik faoliyati uchun foydali, ya’ni u imonsiz odamlargina eshitishi kerak bo‘lgan xabar deya ishonishadi. Shunga qaramay, Muqaddas Kitobda Isoning izdoshlari yuqoridan tug‘ilganlaridan keyin ham, xushxabarni eshitishni davom ettirishlari kerakligi o‘rgatilgan. Masihiylar har kuni Muqaddas Kitobni o‘qish vaqtlarida xushxabar haqida fikr yuritishlari, cho‘ponlar esa, har bir va’zda xushxabarni va’z qilishlari kerak. Biz Isoning hayoti, o‘limi, ko‘milishi, tirilishi va osmonga ko‘tarilishi hamda gunohlardan tavba qilib, Isoga imon bilan yuz burish da’vati haqida doimiy tarzda eshitib turishimiz kerak.

Quyida biz xushxabar haqiqatlarini har safar va har kuni eshitishimiz kerakligining 8ta sababi keltirilgan:

  1. Xudoga olqish va minnatdorchiliklar tug‘dirish uchun. Bizning Otamiz Xudo har kungi yangiliklarning bosh sahifasida bo‘lishi kerak bo‘lgan Zotdir. Bizning o‘rnimizga amalga oshirgan Uning aql bovar qilmas najotkorlik ishlarini o‘zi shunday bo‘lishi kerakdek qabul qilish o‘rniga, biz har kuni U Masih orqali nima qilgani haqida fikr yuritishimiz va Unga olqish va hamdlar aytishimiz kerak, zero U bunga loyiqdir (Rimliklarga 11:33–36; Vahiy 5).
  2. Masihdagi shaxsiyatimizni eslatish uchun. Har kuni va har hafta xushxabarni eshitish diqqatimizni Masihga qaratadi (Kol. 3:1–4; 1-Kor. 15:1–11). Biz Masih aslida kim ekanligi va biz Unda kim ekanligimizni tezda unutib qo‘yamiz. Xushxabar unutuvchanlik bulutlarini tarqatadi hamda Xudo tarixda bizga va O‘z xalqiga nima qilganini eslatadi.
  3. Bizni qo‘llab-quvvatlash uchun. Xudoning Kalomi va Xushxabar haqiqatlari haqida fikr yuritish imonimizni “tomir ottiradi” (mustahkamlaydi), bizni serhosil qiladi, oziqlantiradi, sug‘oradi, o‘stiradi va bizni sinovlarda mustahkam saqlaydi (Zabur 1; Yuhanno 6:22–59; Yahudo 20–21).
  4. Bizni gunohdan saqlash uchun. Xushxabar bizni muqaddaslaydi, chunki u orqali bizning Otamizga bo‘lgan sevgimiz oshadi va biz o‘z hayotimiz bilan Uni mamnun qilishga intilamiz. Xushxabar vaqtinchalik qoniqishdan ko‘ra buyukroq xazinadir, zavqlanish uchun gunohdan ko‘ra buyukroq lazzatdir. Biz Masihda Xudo bizni ko‘proq sevishi uchun biz qila oladigan hech qanday yaxshi narsa mavjud emasligini bilish, aslida, Uning inoyatidan foydalanib qolish o‘rniga, Uni sevishimiz va Unga itoat etishimiz uchun bizga ozodlik beradi (Rimliklarga 6-bobning hammasiga qarang).
  5. Bizni xayrli ishlar qilishga ilhomlantirishi uchun. Iso Masihning tirilishi hayotimizni o‘zimiz uchun emas, balki atrofdagilarimiz uchun sarflashga bizni ozod etadi (Titus 2:11–14; Efes. 2:1–10).
  6. Bizni tushkunlikdan saqlaydi. Biz qo‘l uradigan hech bir gunoh Xudoni bizni kamroq sevishiga sababchi bo‘lolmaydi. Xushxabar bizni tushkunlikdan ozod qiladi. Hech narsa bizni Masihning sevgisidan ajrata olmaydi, bu bizga Xoch xushxabari orqali namoyon bo‘lgan (Rim. 8:31–39).
  7. Atrofimizdagilarga dalda berishimiz uchun. Xushxabarni qayta yodga olganimizda, biz kun davomida boshqalarga dalda beradigan so‘zlarni aytgimiz keladi. Natijada bu dalda ularni imonda mustahkamlaydi va yuraklaridan haqiqat joy oladi (2-Tim. 2:1–7). Bu bo‘yicha ajoyib manba – bu Elyse M. Fitzpatrik va Dennis E. Jonsonning “Xochdagi nasihat: Yiqilgan odamlarni Masihning sevgisiga bog‘lash” (Counsel From the Cross: Connecting Broken People to the Love of Christ)
  8. Mag‘rurligimizni sindirish uchun. Gunohimiz va Xudo xushxabarda biz uchun qilgan ishi haqida sog‘lom fikr yuritish mag‘rurligimizni sindiradi hamda Rabbimiz va boshqalar oldida kamtarlik ruhini shakllantiradi (Yuhanno 3:16, 5:24; Titus 3:1–7).

Нима учун масиҳийлар хушхабарни эшитишни давом этишлари керак?

Баъзи одамлар хушхабар фақатгина хушхабарчилик фаолияти учун фойдали, яъни у имонсиз одамларгина эшитиши керак бўлган хабар дея ишонишади. Шунга қарамай, Муқаддас Китобда Исонинг издошлари юқоридан туғилганларидан кейин ҳам, хушхабарни эшитишни давом эттиришлари кераклиги ўргатилган. Масиҳийлар ҳар куни Муқаддас Китобни ўқиш вақтларида хушхабар ҳақида фикр юритишлари, чўпонлар эса, ҳар бир ваъзда хушхабарни ваъз қилишлари керак. Биз Исонинг ҳаёти, ўлими, кўмилиши, тирилиши ва осмонга кўтарилиши ҳамда гуноҳлардан тавба қилиб, Исога имон билан юз буриш даъвати ҳақида доимий тарзда эшитиб туришимиз керак.

Қуйида биз хушхабар ҳақиқатларини ҳар сафар ва ҳар куни эшитишимиз кераклигининг 8та сабаби келтирилган:

  1. Худога олқиш ва миннатдорчиликлар туғдириш учун. Бизнинг Отамиз Худо ҳар кунги янгиликларнинг бош саҳифасида бўлиши керак бўлган Зотдир. Бизнинг ўрнимизга амалга оширган Унинг ақл бовар қилмас нажоткорлик ишларини ўзи шундай бўлиши керакдек қабул қилиш ўрнига, биз ҳар куни У Масиҳ орқали нима қилгани ҳақида фикр юритишимиз ва Унга олқиш ва ҳамдлар айтишимиз керак, зеро У бунга лойиқдир (Римликларга 11:33–36; Ваҳий 5).
  2. Масиҳдаги шахсиятимизни эслатиш учун. Ҳар куни ва ҳар ҳафта хушхабарни эшитиш диққатимизни Масиҳга қаратади (Кол. 3:1–4; 1 Кор. 15:1–11). Биз Масиҳ аслида ким эканлиги ва биз Унда ким эканлигимизни тезда унутиб қўямиз. Хушхабар унутувчанлик булутларини тарқатади ҳамда Худо тарихда бизга ва Ўз халқига нима қилганини эслатади.
  3. Бизни қўллаб-қувватлаш учун. Худонинг Каломи ва Хушхабар ҳақиқатлари ҳақида фикр юритиш имонимизни “томир оттиради” (мустаҳкамлайди), бизни серҳосил қилади, озиқлантиради, суғоради, ўстиради ва бизни синовларда мустаҳкам сақлайди (Забур 1; Юҳанно 6:22–59; Яҳудо 20–21).
  4. Бизни гуноҳдан сақлаш учун. Хушхабар бизни муқаддаслайди, чунки у орқали бизнинг Отамизга бўлган севгимиз ошади ва биз ўз ҳаётимиз билан Уни мамнун қилишга интиламиз. Хушхабар вақтинчалик қониқишдан кўра буюкроқ хазинадир, завқланиш учун гуноҳдан кўра буюкроқ лаззатдир. Биз Масиҳда Худо бизни кўпроқ севиши учун биз қила оладиган ҳеч қандай яхши нарса мавжуд эмаслигини билиш, аслида, Унинг иноятидан фойдаланиб қолиш ўрнига, Уни севишимиз ва Унга итоат этишимиз учун бизга озодлик беради (Римликларга 6-бобнинг ҳаммасига қаранг).
  5. Бизни хайрли ишлар қилишга илҳомлантириши учун. Исо Масиҳнинг тирилиши ҳаётимизни ўзимиз учун эмас, балки атрофдагиларимиз учун сарфлашга бизни озод этади (Титус 2:11–14; Эфес. 2:1–10).
  6. Бизни тушкунликдан сақлайди. Биз қўл урадиган ҳеч бир гуноҳ Худони бизни камроқ севишига сабабчи бўлолмайди. Хушхабар бизни тушкунликдан озод қилади. Ҳеч нарса бизни Масиҳнинг севгисидан ажрата олмайди, бу бизга Хоч хушхабари орқали намоён бўлган (Рим. 8:31–39).
  7. Атрофимиздагиларга далда беришимиз учун. Хушхабарни қайта ёдга олганимизда, биз кун давомида бошқаларга далда берадиган сўзларни айтгимиз келади. Натижада бу далда уларни имонда мустаҳкамлайди ва юракларидан ҳақиқат жой олади (2 Тим. 2:1–7). Бу бўйича ажойиб манба – бу Элйсе М. Фитзпатрик ва Деннис Э. “Жонсоннинг Хочдаги насиҳат: Йиқилган одамларни Масиҳнинг севгисига боғлаш” (Counsel From the Cross: Connecting Broken People to the Love of Christ) дир.
  8. Мағрурлигимизни синдириш учун. Гуноҳимиз ва Худо хушхабарда биз учун қилган иши ҳақида соғлом фикр юритиш мағрурлигимизни синдиради ҳамда Раббимиз ва бошқалар олдида камтарлик руҳини шакллантиради (Юҳанно 3:16, 5:24; Титус 3:1–7).