Oxirgi maqolamda, «Mahalliy jamoat nima?» degan savolga javob bergan edim. Bu o‘z-o‘zidan keyingi, «jamoat a’zoligi nima?» degan savolni tug‘diradi.

Javob: Jamoat a’zoligi Masihning shohligiga tegishli fuqarolikning e’lon qilinishidir. Bu – pasport. Bu Masihning matbuot markazida e’lon qilingan xabardir. Bu Masihni Rabbim deb e’tirof etgan shaxs Isoning rasmiy, litsenziya va a’zolik guvohnomasiga ega, haqiqiy (bona fide) vakili ekanligini e’lon qilishdir.

Aniqroq qilib aytganda, jamoat a’zoligi mahalliy jamoat hamda masihiy o‘rtasidagi rasmiy munosabatdir. Bu munosabatda jamoat masihiyni o‘z a’zosi sifatida tasdiqlaydi, uning Masihga ergashishini nazorat qiladi hamda masihiy jamoat parvarishi uchun itoatkorlik bilan shogirdlik hayotini davom ettiradi.

Quyidagi bir necha jihatlarga e’tibor qarating:

• Jamoat (tuzilmasi) (a’zolari) shaxsning imon e’tirofi va cho‘mdirilishini ishonchli deya rasman tasdiqlaydi;
• Jamoat o‘sha shaxsning shogirdlik hayotiga g‘amxo‘rlik qilib nazorat qilishiga va’da beradi;
• Shaxs shogird sifatida ushbu tuzilmaning va undagi yetakchilarning xizmati va hokimiyatiga rasman bo‘ysunadi.

Jamoat tuzilmasi shaxsga “Biz sening imon e’tirofing, cho‘mdirilishing va Masihga shogird ekanligingni ishonchli deya tan olamiz. Shuning uchun, biz seni Masihga tegishli ekanligingni tasdiqlaymiz va xalqlar oldida tan olamiz hamda birodarligimiz nazoratini kengaytiramiz”, deb aytadi. Shaxs esa, asosan, jamoat tuzilmasiga shunday deydi “Men sizlarni ishonchli, xushxabarni e’lon qiladigan jamoat deya tan olar ekanman, o‘zimning ishtirokim va shogirdligimni sevgingiz va nazoratingizga topshiraman.”

Jamoatga a’zo bo‘lish mezonlari masihiy bo‘lish mezonlaridan yuqori ham, past ham bo‘lmasligi kerak (bitta istisno bilan). Masihiy odam tavba qilgan va imon keltirgan shaxsdir va mana shunday shaxslarni jamoat a’zo sifatida tasdiqlashi kerak. Yagona qo‘shimcha talab bu cho‘mdirilishdir. Jamoat a’zolari cho‘mdirilishlari kerak, bu Yangi Ahddagi o‘zgarmas odatdir. Butrus Quddusdagi olomonga “Tavba qilinglar va suvga cho‘minglar” (Hav. 2:38), deb aytadi. Pavlus ham, Rimdagi jamoat haqida yozayotganda Rim jamoatiga tegishli har bir kishi suvga cho‘mdirilgan deya faraz qiladi (Rom. 6:1–3). (Cho‘mdirilish sharti haqida keyingi maqolamda so‘z yuritaman.)

Boshqacha qilib aytganda, jamoat a’zoligi bu “qo‘shimcha talablar” degani emas. Bu jamoatning masihiy uchun va masihiyning jamoat uchun maxsus javobgarlik olishidir. Bu Masihning universal tanasidagi a’zoligimizni “kiyib olish”, “gavdalantirish”, “yashash” va “aniqlashtirib qo‘yish” deganidir. Ba’zi jihatlarda, mahalliy jamoat va uning a’zolari o‘rtasidagi birlik nikoh marosimidagi “men roziman” deb va’da berishga o‘xshaydi, shuning uchun ham ba’zilar jamoat a’zoligiga “ahdlashuv” sifatida qarashadi.

Masihiy jamoatga qo‘shilishni tanlashi kerakligi to‘g‘ri, lekin bu jamoatni volontyorlik tashkilotiga aylantirmaydi. Masihni tanlab bo‘lgandan keyin, masihiy jamoatga qo‘shilishni tanlashdan boshqa tanlovi yo‘q.

Ushbu maqola “Jamoatdagi Intizom: Qanday qilib jamoat Isoning nomini himoya qiladi” [Church Discipline: How the Church Protects the name of Jesus (Crossway, 2012)] nomli kitobidan olingan.

Жамоат аъзолиги нима?

Охирги мақоламда, «Маҳаллий жамоат нима?» деган саволга жавоб берган эдим. Бу ўз-ўзидан кейинги, «жамоат аъзолиги нима?» деган саволни туғдиради.

Жавоб: Жамоат аъзолиги Масиҳнинг шоҳлигига тегишли фуқароликнинг эълон қилинишидир. Бу – паспорт. Бу Масиҳнинг матбуот марказида эълон қилинган хабардир. Бу Масиҳни Раббим деб эътироф этган шахс Исонинг расмий, лицензия ва аъзолик гувоҳномасига эга, ҳақиқий (бона фиде) вакили эканлигини эълон қилишдир.

Аниқроқ қилиб айтганда, жамоат аъзолиги маҳаллий жамоат ҳамда масиҳий ўртасидаги расмий муносабатдир. Бу муносабатда жамоат масиҳийни ўз аъзоси сифатида тасдиқлайди, унинг Масиҳга эргашишини назорат қилади ҳамда масиҳий жамоат парвариши учун итоаткорлик билан шогирдлик ҳаётини давом эттиради.

Қуйидаги бир неча жиҳатларга эътибор қаратинг:

• Жамоат (тузилмаси) (аъзолари) шахснинг имон эътирофи ва чўмдирилишини ишончли дея расман тасдиқлайди;
• Жамоат ўша шахснинг шогирдлик ҳаётига ғамхўрлик қилиб назорат қилишига ваъда беради;
• Шахс шогирд сифатида ушбу тузилманинг ва ундаги етакчиларнинг хизмати ва ҳокимиятига расман бўйсунади.

Жамоат тузилмаси шахсга “Биз сенинг имон эътирофинг, чўмдирилишинг ва Масиҳга шогирд эканлигингни ишончли дея тан оламиз. Шунинг учун, биз сени Масиҳга тегишли эканлигингни тасдиқлаймиз ва халқлар олдида тан оламиз ҳамда биродарлигимиз назоратини кенгайтирамиз”, деб айтади. Шахс эса, асосан, жамоат тузилмасига шундай дейди “Мен сизларни ишончли, хушхабарни эълон қиладиган жамоат дея тан олар эканман, ўзимнинг иштироким ва шогирдлигимни севгингиз ва назоратингизга топшираман.”

Жамоатга аъзо бўлиш мезонлари масиҳий бўлиш мезонларидан юқори ҳам, паст ҳам бўлмаслиги керак (битта истисно билан). Масиҳий одам тавба қилган ва имон келтирган шахсдир ва мана шундай шахсларни жамоат аъзо сифатида тасдиқлаши керак. Ягона қўшимча талаб бу чўмдирилишдир. Жамоат аъзолари чўмдирилишлари керак, бу Янги Аҳддаги ўзгармас одатдир. Бутрус Қуддусдаги оломонга “Тавба қилинглар ва сувга чўминглар” (Ҳав. 2:38), деб айтади. Павлус ҳам, Римдаги жамоат ҳақида ёзаётганда Рим жамоатига тегишли ҳар бир киши сувга чўмдирилган дея фараз қилади (Ром. 6:1–3). (Чўмдирилиш шарти ҳақида кейинги мақоламда сўз юритаман.)

Бошқача қилиб айтганда, жамоат аъзолиги бу “қўшимча талаблар” дегани эмас. Бу жамоатнинг масиҳий учун ва масиҳийнинг жамоат учун махсус жавобгарлик олишидир. Бу Масиҳнинг универсал танасидаги аъзолигимизни “кийиб олиш”, “гавдалантириш”, “яшаш” ва “аниқлаштириб қўйиш” деганидир. Баъзи жиҳатларда, маҳаллий жамоат ва унинг аъзолари ўртасидаги бирлик никоҳ маросимидаги “мен розиман” деб ваъда беришга ўхшайди, шунинг учун ҳам баъзилар жамоат аъзолигига “аҳдлашув” сифатида қарашади.

Масиҳий жамоатга қўшилишни танлаши кераклиги тўғри, лекин бу жамоатни волонтёрлик ташкилотига айлантирмайди. Масиҳни танлаб бўлгандан кейин, масиҳий жамоатга қўшилишни танлашдан бошқа танлови йўқ.

Ушбу мақола “Жамоатдаги Интизом: Қандай қилиб жамоат Исонинг номини ҳимоя қилади” [Church Discipline: How the Church Protects the name of Jesus (Cроссwай, 2012)] номли китобидан олинган.