Yuqoridan tug’ilish inson hayotidagi 180 darajaga burilish hisoblanadi. Bu najotga erishish uchun shaxs butun o‘zligini gunohdan Masihga burishi hisoblanadi. Butga sajda qilishdan, Xudoga sajda qilishga. O‘zini o‘zi oqlashdan, Masihning oqlashiga. O‘z-o‘zini boshqarishdan, Xudo boshqaruviga.

Yuqoridan tug’ilish bu Xudo ruhan o‘lganlarni uyg‘otganda va ularni o‘z gunohlaridan tavba qilishga va Masihga imon keltirishga imkon berganda sodir bo‘ladigan holatdir.

• Iso bizlarni tavba qilishga va ishonishga chaqirganda, U bizlarni yuqoridan tug’ilishga chaqirayotgan bo‘ladi. Bu biz nimaga ishonishimiz va qanday yo‘l tutishimizdagi (radikal) keskin o‘zgarishdir (Mark 1:15).
• Iso bizlarni o‘z xochimizni olib Unga ergashishga chaqirganda, U bizlarini yuqoridan tug’ilishga chaqirayotgan bo‘ladi (Luqo 9:23).
• Tavba qilishimiz uchun, Xudo bizga yangi hayot, yangi yurak va imon berishi kerak (Efes. 2:1, Rim. 6:17, Kol. 2:13, Hizqiyo. 36:26, Efes. 2:8, 2-Tim. 2:25).

Yuqoridan tug’ilish:

1. Hayot tarzimizga hech qanday ta‘siri bo‘lmagan bir martalik hodisa emas. Yuqoridan tug’ilish bir marta sodir bo‘ladi, va bu keskin o‘zgarish paytidir. Hayot bundan keyin boshqacha ko‘rinadi. Yangi kurash boshlanadi.
2. Maqsadi yo‘q sayohat emas. Yuqoridan tug’ilishdan oldin ba‘zilar, uzoq jarayondan o‘tgan bo‘lishlari mumkin, lekin u har doim gunohdan tavba qilishga va Masihga imon keltirishga sadoqatli qarorni o‘z ichiga oladi, va o‘sha zahoti buning natijasi sifatida, Xudo ruhan o‘lik bo‘lgan gunohkorga yangi hayot beradi.
3. Ixtiyoriy emas. Havoriylar 17:30da aytiladiki, “Xudo hamma joydagi jamiki xalqlarga: “Tavba qilinglar” deb amr bermoqda.” Yuqoridan tug’ilishga hech qachon majbur etilmaydi, lekin usiz najotga mutlaqo erishib bo‘lmaydi.
4. Suhbat emas. Masihiylar xushxabar haqida kamtarlik bilan suhbat qilishlari kerak bo‘lsada, bizning maqsadimiz shunchaki yoqimli ma‘lumotlar almashinuvi emas. Biz har bir kishini najotga erishish uchun o‘z gunohlaridan tavba qilishga va Masihga imon keltirishga da‘vat etishimiz kerak.
5. Andozadagi ibodatni aytish emas. Yuqoridan tug’ilish albatta ibodatni o‘z ichiga oladi, lekin biz odamlarni o‘z imonlarini maxsus bir so‘zlar yig‘indisiga joylashtirish vasvasasiga solmaslik uchun ehtiyot bo‘lishimiz kerak.

(Bu material, asosan, Bred Vilerning “Bugungi kundagi eng jirkanch so‘zlardan biri: Yuqoridan tug’ilish” (“One of the Dirtiest Words Today: C——–n”) maqolasidan kelib chiqqan holda tayyorlangan)

Юқоридан туғилиш нима?

Юқоридан туғилиш инсон ҳаётидаги 180 даражага бурилиш ҳисобланади. Бу нажотга эришиш учун шахс бутун ўзлигини гуноҳдан Масиҳга буриши ҳисобланади. Бутга сажда қилишдан, Худога сажда қилишга. Ўзини ўзи оқлашдан, Масиҳнинг оқлашига. Ўз-ўзини бошқаришдан, Худо бошқарувига.

Юқоридан туғилиш бу Худо руҳан ўлганларни уйғотганда ва уларни ўз гуноҳларидан тавба қилишга ва Масиҳга имон келтиришга имкон берганда содир бўладиган ҳолатдир.

• Исо бизларни тавба қилишга ва ишонишга чақирганда, У бизларни юқоридан туғилишга чақираётган бўлади. Бу биз нимага ишонишимиз ва қандай йўл тутишимиздаги (радикал) кескин ўзгаришдир (Марк 1:15).
• Исо бизларни ўз хочимизни олиб Унга эргашишга чақирганда, У бизларини Юқоридан туғилишга чақираётган бўлади (Луқо 9:23).
• Тавба қилишимиз учун, Худо бизга янги ҳаёт, янги юрак ва имон бериши керак (Эфес. 2:1, Рим. 6:17, Кол. 2:13, Ҳизқиё. 36:26, Эфес. 2:8, 2 Тим. 2:25).

Юқоридан туғилиш:

• Ҳаёт тарзимизга ҳеч қандай таъсири бўлмаган бир марталик ҳодиса эмас. Юқоридан туғилиш бир марта содир бўлади, ва бу кескин ўзгариш пайтидир. Ҳаёт бундан кейин бошқача кўринади. Янги кураш бошланади.
• Мақсади йўқ саёҳат эмас. Юқоридан туғилишдан олдин баъзилар, узоқ жараёндан ўтган бўлишлари мумкин, лекин у ҳар доим гуноҳдан тавба қилишга ва Масиҳга имон келтиришга садоқатли қарорни ўз ичига олади, ва ўша заҳоти бунинг натижаси сифатида, Худо руҳан ўлик бўлган гуноҳкорга янги ҳаёт беради.
• Ихтиёрий эмас. Ҳаворийлар 17:30да айтиладики, “Худо ҳамма жойдаги жамики халқларга: “Тавба қилинглар” деб амр бермоқда.” Юқоридан туғилишга ҳеч қачон мажбур этилмайди, лекин усиз нажотга мутлақо эришиб бўлмайди.
• Суҳбат эмас. Масиҳийлар хушхабар ҳақида камтарлик билан суҳбат қилишлари керак бўлсада, бизнинг мақсадимиз шунчаки ёқимли маълумотлар алмашинуви эмас. Биз ҳар бир кишини нажотга эришиш учун ўз гуноҳларидан тавба қилишга ва Масиҳга имон келтиришга даъват этишимиз керак.
• Андозадаги ибодатни айтиш эмас. Юқоридан туғилиш албатта ибодатни ўз ичига олади, лекин биз одамларни ўз имонларини махсус бир сўзлар йиғиндисига жойлаштириш васвасасига солмаслик учун эҳтиёт бўлишимиз керак.

(Бу материал, асосан, Бред Вилернинг “Бугунги кундаги энг жирканч сўзлардан бири: Юқоридан туғилиш” (“One of the Dirtiest Words Today: C——–n”) мақоласидан келиб чиққан ҳолда тайёрланган)