Инжил Хушхабари

Yaxshi ishlar najotga erishishda qanday o‘ringa ega?

Жавоблар
08.17.2018
  • Qisqa javob: Biz faqatgina imon orqali oqlandik (Xudoning nazarida solih deb topildik), lekin oqlaydigan imon hech qachon yolg‘iz kelmaydi.
  • Faqatgina imon orqali oqlandik …: Biz qonun ishlari orqali emas, imon orqali oqlandik (Rim.3:28). Xudo bizni solih deb hisoblaydi, chunki U Masihning solihligini bizning solihligimiz sifatida ko‘radi (Fil. 3:9, Rim. 5:17). Bularning bari faqatgina imon orqali amalga oshadi, biz qiladigan hech qanday yaxshi ishlarimiz orqali emas (Rim. 4:4-5).
  • …Lekin, oqlaydigan imon hech qachon yolg‘iz kelmaydi: Masihga chin dildan ishonadigan har bir kishi, faqatgina Muqaddas Ruhda yangi hayotga ega bo‘lganligi sababli, shunday qiladi (ishonadi) (Yuhanno 3:1-8). Ularga Xudoni sevadigan va Uning qonuniga itoat qilishdan zavqlanadigan yangi yurak berilgan (Hizq. 36:26-27; Yer. 31:33; Rim. 7:22). Shuning uchun, ularning hayotlari ko‘payib borayotgan yaxshi ishlari va Xudoning muqaddas xarakteriga tobora o‘xshab borishi bilan ajralib turadi (2-But. 1:8; Efes. 2:10; 2-Kor. 3:18).
  • Ikkita narsani esda saqlash lozim: Muqaddas Kitobda Xudo oxiratda barcha odamlarni “qilgan ishiga yarasha” hukm qilishi haqida gapirganda (Rim. 2:6), ikkita narsani esda saqlashimiz kerak.
  • Birinchisi, Masihga imon keltirgan har bir kishi Xudoning nazarida solih deb topilgan va Uning qahr-g‘azabidan butunlay xolidir (Rim. 4:4-8, 5:9-11; 1-Sal. 1:10).
  • Ikkinchisi, Masihga imon keltirgan har bir kishi yaxshi amallar bilan ajralib turgan hayotda yashaydi (Efes. 2:10). Shuning uchun, Xudo bizni “qilgan ishlarimizga yarasha” hukm qilganda, U bizni adolat tarozisida tortib, bizning ishlarimiz Uning mukammal muqaddasligiga loyiqligini aniqlash uchun o‘lchamaydi (ular hech qachon loyiq kelmaydi!), aksincha, bizga solih deb hukm chiqarish (bu faqatgina Masihning solihligiga asoslansa-da) bizning hayotlarimizda namoyon bo‘lgan solihlikka mos ravishda amalga oshiriladi. Oxiratda bizning ishlarimiz imonimiz haqiqiy yoki haqiqiy emasligini ko‘rsatadi (Matto 7:21-23).

Яхши ишлар нажотга эришишда қандай ўринга эга?

  • Қисқа жавоб: Биз фақатгина имон орқали оқландик (Худонинг назарида солиҳ деб топилдик), лекин оқлайдиган имон ҳеч қачон ёлғиз келмайди.
  • Фақатгина имон орқали оқландик …: Биз қонун ишлари орқали эмас, имон орқали оқландик (Рим.3:28). Худо бизни солиҳ деб ҳисоблайди, чунки У Масиҳнинг солиҳлигини бизнинг солиҳлигимиз сифатида кўради (Фил. 3:9, Рим. 5:17). Буларнинг бари фақатгина имон орқали амалга ошади, биз қиладиган ҳеч қандай яхши ишларимиз орқали эмас (Рим. 4:4-5).
  • …Лекин, оқлайдиган имон ҳеч қачон ёлғиз келмайди: Масиҳга чин дилдан ишонадиган ҳар бир киши, фақатгина Муқаддас Руҳда янги ҳаётга эга бўлганлиги сабабли, шундай қилади (ишонади) (Юҳанно 3:1-8). Уларга Худони севадиган ва Унинг қонунига итоат қилишдан завқланадиган янги юрак берилган (Ҳизқ. 36:26-27; Ер. 31:33; Рим. 7:22). Шунинг учун, уларнинг ҳаётлари кўпайиб бораётган яхши ишлари ва Худонинг муқаддас характерига тобора ўхшаб бориши билан ажралиб туради (2 Бут. 1:8; Эфес. 2:10; 2 Кор. 3:18).
  • Иккита нарсани эсда сақлаш лозим: Муқаддас Китобда Худо охиратда барча одамларни “қилган ишига яраша” ҳукм қилиши ҳақида гапирганда (Рим. 2:6), иккита нарсани эсда сақлашимиз керак.
  • Биринчиси, Масиҳга имон келтирган ҳар бир киши Худонинг назарида солиҳ деб топилган ва Унинг қаҳр-ғазабидан бутунлай холидир (Рим. 4:4-8, 5:9-11; 1 Сал. 1:10).
  • Иккинчиси, Масиҳга имон келтирган ҳар бир киши яхши амаллар билан ажралиб турган ҳаётда яшайди (Эфес. 2:10). Шунинг учун, Худо бизни “қилган ишларимизга яраша” ҳукм қилганда, У бизни адолат тарозисида тортиб, бизнинг ишларимиз Унинг мукаммал муқаддаслигига лойиқлигини аниқлаш учун ўлчамайди (улар ҳеч қачон лойиқ келмайди!), аксинча, бизга солиҳ деб ҳукм чиқариш (бу фақатгина Масиҳнинг солиҳлигига асосланса-да) бизнинг ҳаётларимизда намоён бўлган солиҳликка мос равишда амалга оширилади. Охиратда бизнинг ишларимиз имонимиз ҳақиқий ёки ҳақиқий эмаслигини кўрсатади (Матто 7:21-23).