Injilda Xudo samodagi barcha ruhiy barakalarni Masih orqali bizlarga beradi (Efes. 1:3): biz uning nazarida solih bo‘ldik, gunoh qulligidan ozod bo‘ldik, Muqaddas Ruh ichimizda yashash uchun berildi, Xudoning oilasiga boqib olindik va oxir-oqibatda bizlarga abadiy hayot berildi.

Lekin, jismoniy salomatlik va boylik-chi? Xudo bularni masihiylarga va’da qilganmi? Yangi Ahdda masihiylar bu dunyoda mashaqqatlar (Hav. 14:22), azob -uqubatlar (Rim. 8:17), va hatto quvg‘inlarni (2-Tim. 3:12) boshdan kechirishi va’da qilingan. Lekin, hech qaysi joyda Xudo masihiylarni boy va sog‘lom qilishga va’da bermagan. Isoning najotkorlik ishi bizga bu hayotda salomatlik va boylik berishini o‘z ichiga oladi, deya ta’kidlaydigan har qanday ta’limot shaytonning aldovidir.

Shuni unutmangki, Yangi Ahd bizga bu hayotda jismoniy salomatlik va boylik va’da qilmaydi. Xudo bizni o‘likdan tiriltirganda, masihiylarga ulug‘vor tana beriladi va yangi yerda Xudo bilan mukammal birlikda yashaymiz. O‘shanda Xudoning O‘zi “ko‘zimizdagi har bir tomchi yoshni artib qoʻyadi. Endi oʻlim mavjud boʻlmaydi, Hech kim qaygʻurmaydi, yigʻlamaydi, azob chekmaydi. Zero, avvalgilar oʻtib ketdi” (Vahiy 21:4).

Shunga qaramay, ungacha, masihiylar “haddan tashqari ajoyib va abadiy ulugʻvorlik keltiradigan” “oʻtkinchi, yengil azob–uqubatlar”ga chidashga chaqirilganlar (2-Kor. 4:17). Bu yerda va hozir esa, biz har xil sinovlarga duch kelganimzda o‘zimizni baxtli deb bilishga da’vat etilganmiz (Yoqub 1:2). Biz bu hayotdagi sinovlar va azob-uqubatlarga chiday olamiz – ular kelishini Isoning O‘zi va’da qilmoqda (Yuhanno 16:33) – chunki biz bilamizki, U bilan birga azoblansak, U bilan birga ulug‘vorlikka ham erishamiz (Rim. 8:18).

Худо масиҳийларга бу дунёда моддий бойлик ва жисмоний саломатликни ваъда қилганми?

Инжилда Худо самодаги барча руҳий баракаларни Масиҳ орқали бизларга беради (Эфес. 1:3): биз унинг назарида солиҳ бўлдик, гуноҳ қуллигидан озод бўлдик, Муқаддас Руҳ ичимизда яшаш учун берилди, Худонинг оиласига боқиб олиндик ва охир-оқибатда бизларга абадий ҳаёт берилди.

Лекин, жисмоний саломатлик ва бойлик-чи? Худо буларни масиҳийларга ваъда қилганми? Янги Аҳдда масиҳийлар бу дунёда машаққатлар (Ҳав. 14:22), азоб -уқубатлар (Рим. 8:17), ва ҳатто қувғинларни (2 Тим. 3:12) бошдан кечириши ваъда қилинган. Лекин, ҳеч қайси жойда Худо масиҳийларни бой ва соғлом қилишга ваъда бермаган. Исонинг нажоткорлик иши бизга бу ҳаётда саломатлик ва бойлик беришини ўз ичига олади, дея таъкидлайдиган ҳар қандай таълимот шайтоннинг алдовидир.

Шуни унутмангки, Янги Аҳд бизга бу ҳаётда жисмоний саломатлик ва бойлик ваъда қилмайди. Худо бизни ўликдан тирилтирганда, масиҳийларга улуғвор тана берилади ва янги ерда Худо билан мукаммал бирликда яшаймиз. Ўшанда Худонинг Ўзи “кўзимиздаги ҳар бир томчи ёшни артиб қўяди. Энди ўлим мавжуд бўлмайди, Ҳеч ким қайғурмайди, йиғламайди, азоб чекмайди. Зеро, аввалгилар ўтиб кетди” (Ваҳий 21:4).

Шунга қарамай, унгача, масиҳийлар “ҳаддан ташқари ажойиб ва абадий улуғворлик келтирадиган” “ўткинчи, енгил азоб–уқубатлар”га чидашга чақирилганлар (2 Кор. 4:17). Бу ерда ва ҳозир эса, биз ҳар хил синовларга дуч келганимзда ўзимизни бахтли деб билишга даъват этилганмиз (Ёқуб 1:2). Биз бу ҳаётдаги синовлар ва азоб-уқубатларга чидай оламиз – улар келишини Исонинг Ўзи ваъда қилмоқда (Юҳанно 16:33) – чунки биз биламизки, У билан бирга азоблансак, У билан бирга улуғворликка ҳам эришамиз (Рим. 8:18).