Каломий Теология

Sog‘lom ta’limot haqidagi tushunchamni qanday rivojlantira olaman?

Answer
09.17.2016
  1. Va’z qilingan Kalomga diqqatingizni qarating. Cho‘poningiz har hafta Xudo Kalomini tushuntirib berganda uni diqqat bilan eshiting. Undan keyin va’zni do‘stlaringiz va oilangiz bilan muhokama qiling.
  2. Muqaddas Yozuvlarni ishtiyoq bilan o‘rganing. Bunga keng va chuqur yondashing. Ya’ni, umumiy manzarani ko‘ra olish uchun butun Kalomni o‘qib chiqing, lekin, shu bilan birga, kichik qismlarni (masalan, alohida kitoblarni) qo‘lingizdan kelgancha butun tafsilotlari (mayda-chuyda detallari) bilan o‘rganing. Ularni qayta va qayta o‘qing. Ular ustida mulohaza yuriting. Ularni yodlang. Kalomni keng va chuqur fahmlab olish Xudoni tanib-bilishda o‘sishning eng muhim yo‘lidir.
  3. Yaxshi kitoblar o‘qing. Cho‘poningizdan u bilgan eng yaxshi teologik kitoblar haqida so‘rang va ularni o‘qing.
  4. Ustozlaringiz va do‘stlaringiz bilan Kalomni muhokama qiling. Kalomdagi ta’limotni muhokama qilar ekansiz, uni o‘z hayotlaringizga birgalikda tatbiq eting.
  5. Xushxabarchilik bilan shug‘ullaning. Masihiy bo‘lmaganlarga xushxabarni tushuntirish va ularning ba’zi e’tirozlariga javob berish xushxabar bo‘yicha tushunchangizni mustahkamlaydi, xushxabar bo‘yicha muloqot qilish qobiliyatingizni o‘tkirlaydi va o‘z teologiya borasidagi bilimlaringizni oshirishingiz kerak bo‘lgan sohalarni ochib beradi.
  6. Yoshroq masihiylarga Muqaddas Kitobni va teologiyani o‘rgating. Boshqalarga ta’lim berish (birma-bir, Muqaddas Kitobni o‘rganish guruhida, Yakshanba Maktabi darsida yoki hatto va’z orqali), sizni Muqaddas Yozuvlarni sinchikovlik bilan o‘rganishga, ularni bir-biriga uzviy bog‘liq ravishda anglashga va ularni aniqroq qilib yetkazib berishga majbur qiladi. Bularning bari sog‘lom ta’limot bo‘yicha tushunchangizni chuqurlashtiradi va o‘z bilimingizdan boshqalarning imonini mustahkamlash uchun foydalanishga imkon beradi.

Соғлом таълимот ҳақидаги тушунчамни қандай ривожлантира оламан?

  1. Ваъз қилинган Каломга диққатингизни қаратинг. Чўпонингиз ҳар ҳафта Худо Каломини тушунтириб берганда уни диққат билан эшитинг. Ундан кейин ваъзни дўстларингиз ва оилангиз билан муҳокама қилинг.
  2. Муқаддас Ёзувларни иштиёқ билан ўрганинг. Бунга кенг ва чуқур ёндашинг. Яъни, умумий манзарани кўра олиш учун бутун Каломни ўқиб чиқинг, лекин, шу билан бирга, кичик қисмларни (масалан, алоҳида китобларни) қўлингиздан келганча бутун тафсилотлари (майда-чуйда деталлари) билан ўрганинг. Уларни қайта ва қайта ўқинг. Улар устида мулоҳаза юритинг. Уларни ёдланг. Каломни кенг ва чуқур фаҳмлаб олиш Худони таниб-билишда ўсишнинг энг муҳим йўлидир.
  3. Яхши китоблар ўқинг. Чўпонингиздан у билган энг яхши теологик китоблар ҳақида сўранг ва уларни ўқинг.
  4. Устозларингиз ва дўстларингиз билан Каломни муҳокама қилинг. Каломдаги таълимотни муҳокама қилар экансиз, уни ўз ҳаётларингизга биргаликда татбиқ этинг.
  5. Хушхабарчилик билан шуғулланинг. Масиҳий бўлмаганларга хушхабарни тушунтириш ва уларнинг баъзи эътирозларига жавоб бериш хушхабар бўйича тушунчангизни мустаҳкамлайди, хушхабар бўйича мулоқот қилиш қобилиятингизни ўткирлайди ва ўз теология борасидаги билимларингизни оширишингиз керак бўлган соҳаларни очиб беради.
  6. Ёшроқ масиҳийларга Муқаддас Китобни ва теологияни ўргатинг. Бошқаларга таълим бериш (бирма-бир, Муқаддас Китобни ўрганиш гуруҳида, Якшанба Мактаби дарсида ёки ҳатто ваъз орқали), сизни Муқаддас Ёзувларни синчиковлик билан ўрганишга, уларни бир-бирига узвий боғлиқ равишда англашга ва уларни аниқроқ қилиб етказиб беришга мажбур қилади. Буларнинг бари соғлом таълимот бўйича тушунчангизни чуқурлаштиради ва ўз билимингиздан бошқаларнинг имонини мустаҳкамлаш учун фойдаланишга имкон беради.