Жамоатдаги Интизом

Jamoat a’zolari jamoat intizomiy chorasidan qutulish uchun, shunchaki, a’zolikdan chiqib ketishlari mumkinmi?

Answer
02.17.2016

Ba’zan intizomiy chora ko‘rilish jarayonida turgan jamoat a’zolari jamoat intizomiy chorasidan saqlanish maqsadida jamoat a’zoligidan chiqishga urinishadi. Jamoat bunga yo‘l qo‘yib berishi kerakmi?

Albatta, yo‘q. Jamoatlar o‘z a’zolariga, shunchaki, intizomiy choradan qutulish uchun jamoat a’zoligidan chiqib ketishlariga yo‘l qo‘ymasligi kerak:

  1. Iso jamoatga, ya’ni bir butunlik sifatidagi mahalliy jamoatga kim ularga tegishli yoki tegishli emasligini belgilash vakolatini bergan (Matto 16:19, 18:17-19ga qarang).Bu shuni anglatadiki, shaxs butun jamoatning roziligisiz o‘zini jamoatdan chetlatish vakolatiga, shunchaki, ega emas.
  1. Iso jamoatga bu vakolatni odamlarni o‘ziga qo‘shilishiga “ijozat berish va buni taqiqlash” uchun bergan, toki jamoat unga kim tegishli va kim tegishli emasligini vakolatli tarzda e’lon qilsin. Shaxs cho‘mdirilib, jamoatga qo‘shilganda, jamoat dunyoga qarata “Bu shaxs Isoga tegishli”, deb e’lon qiladi. Imonini e’tirof etgan masihiy jiddiy, tavba qilinmagan gunohda yashayotgan bo‘lsa, bunday tarzda yashayotgan shaxs Masihga tegishli emasligini e’lon qilish jamoatning majburiyatidir va jamoat bunday shaxsni o‘z a’zoligidan chetlatish orqali amalga oshiradi. Shu tariqa, jamoat intizomiy chorasidan qochishga urinayotgan shaxs Masihning xuddi shu maqsadda mahalliy jamoatga bergan hokimiyatiga qarshi chiqish orqali o‘z aybini yanada ko‘paytirayotgan bo‘ladi.

Shunga qaramay, bu jamoat nimani o‘rgatayotgani, yangi a’zolarga jamoat intizomiy choralari haqida nima deyotgani va rasmiy hujjatlarida jamoat intizomiy choralari haqida nima deyilganiga qaramasdan, shaxsning iste’fosini, shunchaki, rad etishi mumkinligini bildirmaydi. Jamoat o‘zini shu kabi masalalarda qonunan himoya qilishi uchun u qo‘shilayotgan yangi a’zolarga bu narsalarni aniq qilib tushuntirishi kerak. U, shu bilan birga, o‘zining boshqaruv hujjatlarida jamoat intizomiy choralarini aniq izohlab qo‘yishi kerak. Har ikki usulda ham jamoatlar biror shaxs o‘z jamoat a’zoligidan bir tomonlama chiqib kirish huquqiga ega emasligiga oydinlikni ta’minlashi kerak. Ushbu mavzu bo‘yicha ko‘proq ma’lumotga ega bo‘lish uchun Ken Sendining jamoat intizomiy choralari uchun qonuniy himoyaga doir maqolasiga qarang.

(Ushbu material Jonatan Limanning “Oldindan iste’foga chiqish – Qamoqxonadan chiqish bepul kartasimi?” [“The Preemptive Resignation—A Get Out of Jail Free Card?”] nomli maqolasidan foydalanib tayyorlangan)

Жамоат аъзолари жамоат интизомий чорасидан қутулиш учун, шунчаки, аъзоликдан чиқиб кетишлари мумкинми?

Баъзан интизомий чора кўрилиш жараёнида турган жамоат аъзолари жамоат интизомий чорасидан сақланиш мақсадида жамоат аъзолигидан чиқишга уринишади. Жамоат бунга йўл қўйиб бериши керакми?

Албатта, йўқ. Жамоатлар ўз аъзоларига, шунчаки, интизомий чорадан қутулиш учун жамоат аъзолигидан чиқиб кетишларига йўл қўймаслиги керак:

  1. Исо жамоатга, яъни бир бутунлик сифатидаги маҳаллий жамоатга ким уларга тегишли ёки тегишли эмаслигини белгилаш ваколатини берган (Матто 16:19, 18:17-19га қаранг). Бу шуни англатадики, шахс бутун жамоатнинг розилигисиз ўзини жамоатдан четлатиш ваколатига, шунчаки, эга эмас.
  2. Исо жамоатга бу ваколатни одамларни ўзига қўшилишига “ижозат бериш ва буни таъқиқлаш” учун берган, токи жамоат унга ким тегишли ва ким тегишли эмаслигини ваколатли тарзда эълон қилсин. Шахс чўмдирилиб, жамоатга қўшилганда, жамоат дунёга қарата “Бу шахс Исога тегишли”, деб эълон қилади. Имонини эътироф этган масиҳий жиддий, тавба қилинмаган гуноҳда яшаётган бўлса, бундай тарзда яшаётган шахс Масиҳга тегишли эмаслигини эълон қилиш жамоатнинг мажбуриятидир ва жамоат бундай шахсни ўз аъзолигидан четлатиш орқали амалга оширади. Шу тариқа, жамоат интизомий чорасидан қочишга уринаётган шахс Масиҳнинг худди шу мақсадда маҳаллий жамоатга берган ҳокимиятига қарши чиқиш орқали ўз айбини янада кўпайтираётган бўлади.

Шунга қарамай, бу жамоат нимани ўргатаётгани, янги аъзоларга жамоат интизомий чоралари ҳақида нима деётгани ва расмий ҳужжатларида жамоат интизомий чоралари ҳақида нима дейилганига қарамасдан, шахснинг истеъфосини, шунчаки, рад этиши мумкинлигини билдирмайди. Жамоат ўзини шу каби масалаларда қонунан ҳимоя қилиши учун у қўшилаётган янги аъзоларга бу нарсаларни аниқ қилиб тушунтириши керак. У, шу билан бирга, ўзининг бошқарув ҳужжатларида жамоат интизомий чораларини аниқ изоҳлаб қўйиши керак. Ҳар икки усулда ҳам жамоатлар бирор шахс ўз жамоат аъзолигидан бир томонлама чиқиб кириш ҳуқуқига эга эмаслигига ойдинликни таъминлаши керак. Ушбу мавзу бўйича кўпроқ маълумотга эга бўлиш учун Кен Сендининг жамоат интизомий чоралари учун қонуний ҳимояга доир мақоласига қаранг.

(Ушбу материал Жонатан Лиманнинг “Олдиндан истеъфога чиқиш – Қамоқхонадан чиқиш бепул картасими?” [“The Preemptive Resignation—A Get Out of Jail Free Card?”] номли мақоласидан фойдаланиб тайёрланган)