Жамоатдаги Интизом

Cho‘ponlar jamoatda intizomiy choralarni qo‘llashda yo‘l qo‘yadigan 22ta xato

Томонидан Jonatan Liman

Jonathan Leeman is the Editorial Director of 9Marks, and an elder at Cheverly Baptist Church in Cheverly, Maryland. You can find him on Twitter at @JonathanLeeman.
Article
09.18.2015

Cho‘ponlar rasmiy jamoat intizomiy choralarini qo‘llaganda ba’zan quyidagi xatolarga yo‘l qo‘yishadi:

 

  1. Ular o‘z jamoatlariga jamoat intizomi (yoki intizomiy choralari) nima ekanligi va nima uchun bu amaliyotni qo‘llashlari kerakligi haqida ta’lim berishmaydi.
  2. Ular jiddiy a’zolik amaliyotini qo‘llashmaydi. Jiddiy a’zolik quyidagilarni o‘z ichiga oladi (1) odamlar jamoatga a’zo bo‘lishdan oldin bu a’zolik ularga qanday majburiyatlar yuklashi haqida ta’lim berish; (2) vaqti-vaqti bilan qatnovchilarni jamoatga rasman qo‘shilishga undash; (3) jamoatga qo‘shilish istagini bildirgan har bir odam bilan yaxshilab suhbat o‘tkazish; (4) butun suruv haqida doimiy tarzda g‘amxo‘rlik qilish va (5) jamoat a’zolari ro‘yxatini doimiy tarzda yangilab borish, toki undan haftalik yig‘ilishlarda doimiy tarzda qatnashadiganlar joy olsin.
  3. Ular o‘z jamoatlariga yuqoridan tug‘ilish haqida, ayniqsa, tavba qilish muhimligi haqida gapirishmaydi.
  4. Ular yangi a’zolarga jamoatga qo‘shilganlaridan keyin jiddiy gunohlar tufayli ularga nisbatan intizomiy choralar qo‘llanishi mumkinligi va jazodan qochish uchun jamoat a’zoligidan chiqish ish bermasligini tushuntirishmaydi.
  5. Jamoatning ochiq hujjatlarida (reglament, nizom, hamkorlik moddalari va hokazolar) jamoat intizomiy chora ko‘rish jarayoni aks ettirilmagan va bu orqali jamoat qonuniy javobgarlikka tortilish xavfiga duch kelishi mumkin.
  6. Ular bu vaziyatga bog‘liq ravishda, Matto 18 va 1-Korinfliklarga 5da tasvirlangan harakatlar ketma-ketligiga rioya qilishmaydi. Masalan, Matto 18da tasvirlangan choralarni ko‘rish kerak bo‘lgan vaziyatda ular gunohga qarshi turish jarayonini yakka holda gaplashishdan boshlashmaydi.
  7. U yoki bu holatda qanday tezlik bilan harakat qilish kerakligiga noto‘g‘ri baho berishadi va natijada, masalani hal qilishni yo cho‘zib yuborishadi, yoki shoshilinch qarorlar qabul qilishadi.
  8. Ular jamoatga jamoat intizomining u yoki bu chorasini qo‘llash nima uchun zarur ekanligini atroflicha tushuntirib berishmaydi.
  9. Ular intizomiy chora ko‘rishga taklif qilinayotgan gunohning juda ko‘p tafsilotlarini jamoatga oshkor qilishadi, bu esa, aybdorning yaqinlarini noqulay ahvolga solib qo‘yadi va imoni sustroq a’zoni vasvasaga soladi.
  10. Ular jamoatda intizomiy chora ko‘rish jarayonida tavba qilmagan gunohkor odamning yuragi haqida g‘amxo‘rlik qilmasdan, ishning rasmiy tomoniga berilib ketishadi.
  11. Ular gunohkorlarning turlari o‘rtasidagi farqlarga va bu farqlar jamoat keyingi bosqichdagi choralarni ko‘rishdan oldin bu gunohga qancha vaqtgacha chidashiga ta’sir qilishiga deyarli e’tibor berishmaydi (1-Salonikaliklarga 5:14).
  12. Ular o‘zlari ham xushxabar ta’minlagan mehr-shafqat ostida ekanliklarini unutishadi va shuning uchun, o‘z ko‘zida solih inson bo‘lib ko‘rinib, gunohga qarshi intizomiy chora ko‘rishadi. Bu o‘ta shafqatsiz ohangda gapirish va gunohkorga begonalarcha munosabatda bo‘lish kabi boshqa xatolarga olib keladi.
  13. Ular gunohkorni sevishmaydi. Ular Xudodan uni tavbaga chaqirishini so‘rashmaydi.
  14. Ular “ezilgan qamish” yoki “tutayotgan pilik”dan juda ko‘p narsa talab qilishadi. Boshqacha qilib aytganda, gunohning changalida qolgan odam uchun ularning tavbaga doir shartlari juda katta.
  15. Ular jamoatga tavba qilmagan gunohkor bilan qanday munosabatda bo‘lish, ya’ni har xil ijtimoiy vaziyatlarda u bilan qanday aloqa qilish va unga tavbaga kelishga qanday ko‘maklashishni tushuntirib berishmaydi.
  16. Intizomiy chora ko‘rilgan shaxs Xudo Kalomini eshita olishi uchun uni jamoat yig‘ilishlarida ishtiriok etishda davom etishini taklif qilishmaydi (boshqa a’zolar hayotiga xavf tug‘diradigan jinoyatchilar bundan mustasno). Shu bilan birga, intizomiy chora ko‘rilgan shaxs jamoatga qatnashni davom ettirishiga tayyor bo‘lishlari haqida jamoatni xabardor qilib qo‘yishmaydi.
  17. Ular intizomiy chora ko‘rish jarayonini olib borishni bitta shaxs, katta cho‘ponning yelkasiga yuklaydilar. Shu tariqa, jamoatdagi ba’zi a’zolarni katta cho‘ponning gunohkorga nisbatan shaxsiy adovati bor deb ayblash vasvasasiga duchor qiladilar.
  18. Ular jamoat hayotida oqsoqolning yetarlicha ishtirokini ta’minlamaydilar natijada oqsoqollar suruvning ahvolidan bexabarlar. Bunyod etuvchi intizomiy chora ko‘rishdagi bu xato jamoatning tuzatuvchi intizomiy chora ko‘rish qobiliyatini pasaytirishi shubhasizdir.
  19. Ular har hafta Xudo Kalomini va’z qilishmaydi.
  20. Ular jamoatda noto‘g‘ri kayfiyatning yuzaga kelishiga yo‘l qo‘yishadi: jamoatdagi odamlar intizomiy chorani tavba qilmagan gunohkorni Xudoning kelajak hukmi haqida sevgi bilan ogohlantirish istagi deb emas, aybdorning o‘z gunohiga yarasha jazo olishi, deb qabul qilishadi.
  21. Ular kalomiy bo‘lmagan fikrlarga asoslanib intizomiy choralarni qo‘llashadi (misol uchun, pul tikmasdan karta o‘ynash, raqsga tushish va hokazolar tufayli).
  22. Ular har qanday sabab tufayli intizomiy chora qo‘llashadi, aslida esa, intizomiy chora gunohkorning o‘z foydasi uchun, butun jamoat uchun, bizni kuzatib turgan jamiyat uchun va Masihning ulug‘lanishi uchun qo‘llanishi kerak.

Tahrirchi izohi: Bular Jonatan Limanning “Jamoat A’zoligi: Dunyo Iso Masih Vakillarini Qayerdan Bilib Olishadi” (Church Membership: How the World Knows Who Represents Jesus) nomli kitobining ilovasidan olingan.

Jonatan Liman

Чўпонлар жамоатда интизомий чораларни қўллашда йўл қўядиган 22та хато 

Чўпонлар расмий жамоат интизомий чораларини қўллаганда баъзан қуйидаги хатоларга йўл қўйишади:

  1. Улар ўз жамоатларига жамоат интизоми (ёки интизомий чоралари) нима эканлиги ва нима учун бу амалиётни қўллашлари кераклиги ҳақида таълим беришмайди.
  2. Улар жиддий аъзолик амалиётини қўллашмайди. Жиддий аъзолик қуйидагиларни ўз ичига олади (1) одамлар жамоатга аъзо бўлишдан олдин бу аъзолик уларга қандай мажбуриятлар юклаши ҳақида таълим бериш; (2) вақти-вақти билан қатновчиларни жамоатга расман қўшилишга ундаш; (3) жамоатга қўшилиш истагини билдирган ҳар бир одам билан яхшилаб суҳбат ўтказиш; (4) бутун сурув ҳақида доимий тарзда ғамхўрлик қилиш ва (5) жамоат аъзолари рўйхатини доимий тарзда янгилаб бориш, токи ундан ҳафталик йиғилишларда доимий тарзда қатнашадиганлар жой олсин.
  3. Улар ўз жамоатларига юқоридан туғилиш ҳақида, айниқса, тавба қилиш муҳимлиги ҳақида гапиришмайди.
  4. Улар янги аъзоларга жамоатга қўшилганларидан кейин жиддий гуноҳлар туфайли уларга нисбатан интизомий чоралар қўлланиши мумкинлиги ва жазодан қочиш учун жамоат аъзолигидан чиқиш иш бермаслигини тушунтиришмайди.
  5. Жамоатнинг очиқ ҳужжатларида (регламент, низом, ҳамкорлик моддалари ва ҳоказолар) жамоат интизомий чора кўриш жараёни акс эттирилмаган ва бу орқали жамоат қонуний жавобгарликка тортилиш хавфига дуч келиши мумкин.
  6. Улар бу вазиятга боғлиқ равишда, Матто 18 ва 1 Коринфликларга 5да тасвирланган ҳаракатлар кетма-кетлигига риоя қилишмайди. Масалан, Матто 18да тасвирланган чораларни кўриш керак бўлган вазиятда улар гуноҳга қарши туриш жараёнини якка ҳолда гаплашишдан бошлашмайди.
  7. У ёки бу ҳолатда қандай тезлик билан ҳаракат қилиш кераклигига нотўғри баҳо беришади ва натижада, масалани ҳал қилишни ё чўзиб юборишади, ёки шошилинч қарорлар қабул қилишади.
  8. Улар жамоатга жамоат интизомининг у ёки бу чорасини қўллаш нима учун зарур эканлигини атрофлича тушунтириб беришмайди.
  9. Улар интизомий чора кўришга таклиф қилинаётган гуноҳнинг жуда кўп тафсилотларини жамоатга ошкор қилишади, бу эса, айбдорнинг яқинларини ноқулай аҳволга солиб қўяди ва имони сустроқ аъзони васвасага солади.
  10. Улар жамоатда интизомий чора кўриш жараёнида тавба қилмаган гуноҳкор одамнинг юраги ҳақида ғамхўрлик қилмасдан, ишнинг расмий томонига берилиб кетишади.
  11. Улар гуноҳкорларнинг турлари ўртасидаги фарқларга ва бу фарқлар жамоат кейинги босқичдаги чораларни кўришдан олдин бу гуноҳга қанча вақтгача чидашига таъсир қилишига деярли эътибор беришмайди (1 Салоникаликларга 5:14).
  12. Улар ўзлари ҳам хушхабар таъминлаган меҳр-шафқат остида эканликларини унутишади ва шунинг учун, ўз кўзида солиҳ инсон бўлиб кўриниб, гуноҳга қарши интизомий чора кўришади. Бу ўта шафқатсиз оҳангда гапириш ва гуноҳкорга бегоналарча муносабатда бўлиш каби бошқа хатоларга олиб келади.
  13. Улар гуноҳкорни севишмайди. Улар Худодан уни тавбага чақиришини сўрашмайди.
  14. Улар “эзилган қамиш” ёки “тутаётган пилик”дан жуда кўп нарса талаб қилишади. Бошқача қилиб айтганда, гуноҳнинг чангалида қолган одам учун уларнинг тавбага доир шартлари жуда катта.
  15. Улар жамоатга тавба қилмаган гуноҳкор билан қандай муносабатда бўлиш, яъни ҳар хил ижтимоий вазиятларда у билан қандай алоқа қилиш ва унга тавбага келишга қандай кўмаклашишни тушунтириб беришмайди.
  16. Интизомий чора кўрилган шахс Худо Каломини эшита олиши учун уни жамоат йиғилишларида иштириок этишда давом этишини таклиф қилишмайди (бошқа аъзолар ҳаётига хавф туғдирадиган жиноятчилар бундан мустасно). Шу билан бирга, интизомий чора кўрилган шахс жамоатга қатнашни давом эттиришига тайёр бўлишлари ҳақида жамоатни хабардор қилиб қўйишмайди.
  17. Улар интизомий чора кўриш жараёнини олиб боришни битта шахс, катта чўпоннинг елкасига юклайдилар. Шу тариқа, жамоатдаги баъзи аъзоларни катта чўпоннинг гуноҳкорга нисбатан шахсий адовати бор деб айблаш васвасасига дучор қиладилар.
  18. Улар жамоат ҳаётида оқсоқолнинг етарлича иштирокини таъминламайдилар натижада оқсоқоллар сурувнинг аҳволидан бехабарлар. Бунёд этувчи интизомий чора кўришдаги бу хато жамоатнинг тузатувчи интизомий чора кўриш қобилиятини пасайтириши шубҳасиздир.
  19. Улар ҳар ҳафта Худо Каломини ваъз қилишмайди.
  20. Улар жамоатда нотўғри кайфиятнинг юзага келишига йўл қўйишади: жамоатдаги одамлар интизомий чорани тавба қилмаган гуноҳкорни Худонинг келажак ҳукми ҳақида севги билан огоҳлантириш истаги деб эмас, айбдорнинг ўз гуноҳига яраша жазо олиши, деб қабул қилишади.
  21. Улар каломий бўлмаган фикрларга асосланиб интизомий чораларни қўллашади (мисол учун, пул тикмасдан карта ўйнаш, рақсга тушиш ва ҳоказолар туфайли).
  22. Улар ҳар қандай сабаб туфайли интизомий чора қўллашади, аслида эса, интизомий чора гуноҳкорнинг ўз фойдаси учун, бутун жамоат учун, бизни кузатиб турган жамият учун ва Масиҳнинг улуғланиши учун қўлланиши керак.

Таҳрирчи изоҳи: Булар Жонатан Лиманнинг “Жамоат Аъзолиги: Дунё Исо Масиҳ Вакилларини Қаердан Билиб Олишади” (Church Membership: How the World Knows Who Represents Jesus) номли китобининг иловасидан олинган.

Жонатан Лиман