Жамоатдаги Интизом

Jamoatdagi intizomiy chora nima?

Answer
05.17.2017
  • Jamoatdagi intizomiy chora bu jamoat o‘zining bironta a’zosining gunohiga qarshi turish va uni tavbaga chaqirish amalidir; bunda agar shaxs tavba qilmasa, tavba qilinmagan jiddiy gunohi tufayli Isoni tan oluvchi bu jamoatdan va Qutlug‘ Kechlikdan chetlashtirishgacha boriladi.
  • Kengroq ma’noda esa, intizomiy chora jamoat o‘z a’zolariga muqaddaslikka rioya qilishga va gunohga qarshi kurashishga yordam berish uchun ko‘riladigan har qanday choralardir. Va’z aytish, ta’lim berish, umumiy sajda, bir-biriga hisobdorlik munosabatlari va cho‘ponlar hamda oqsoqollarning xudojo‘ylik bilan nazoratni amalga oshirishi – bularning bari intizomiy chora ko‘rinishlaridir.
  • Ba’zida odamlar intizomiy choraning bu ikki turidan birini “tuzatuvchi intizomiy chora”, ikkinchisini esa “bunyod etuvchi intizomiy chora” deb atash bilan farqlashadi.
  • Tuzatuvchi: Yangi Ahddagi Matto 18:15-17, 1-Korinfliklarga 5:1-13, 2-Korinfliklarga 2:6, va 2-Salonikaliklarga 3:6-15 kabi parchalarda tuzatuvchi intizom buyurilgan va tasvirlangan.
  • Bunyod etuvchi: Yangi Ahdning juda ko‘p joylarida, muqaddaslikka intilish va bir-birining imonini mustahkamlash haqidagi parchalarda (masalan, Efesliklarga 4:11-32 va Filippiliklarga 2:1-18) shakllantiruvchi intizom haqida gapirilgan. Aslida, biz Yangi Ahddagi maktublarga bunyod etuvchi intizom namunalari sifatida qarashimiz mumkin, chunki havoriylar jamoatlarga nimaga ishonish va qanday yashashda ularni bunyod etishga yordam berish uchun maktublar yozishgan.

(Bu materialning ba’zi qismlari Mark Deverning Sog‘lom Jamoat Nima? nomli asaridan foydalanib tayyorlangan [What is a Healthy Church? by Mark Dever], 101)

Жамоатдаги интизомий чора нима?

  • Жамоатдаги интизомий чора бу жамоат ўзининг биронта аъзосининг гуноҳига қарши туриш ва уни тавбага чақириш амалидир; бунда агар шахс тавба қилмаса, тавба қилинмаган жиддий гуноҳи туфайли Исони тан олувчи бу жамоатдан ва Қутлуғ Кечликдан четлаштиришгача борилади.
  • Кенгроқ маънода эса, интизомий чора жамоат ўз аъзоларига муқаддасликка риоя қилишга ва гуноҳга қарши курашишга ёрдам бериш учун кўриладиган ҳар қандай чоралардир. Ваъз айтиш, таълим бериш, умумий сажда, бир-бирига ҳисобдорлик муносабатлари ва чўпонлар ҳамда оқсоқолларнинг художўйлик билан назоратни амалга ошириши – буларнинг бари интизомий чора кўринишларидир.
  • Баъзида одамлар интизомий чоранинг бу икки туридан бирини “тузатувчи интизомий чора”, иккинчисини эса “бунёд этувчи интизомий чора” деб аташ билан фарқлашади.
  • Тузатувчи: Янги Аҳддаги Матто 18:15-17, 1 Коринфликларга 5:1-13, 2 Коринфликларга 2:6, ва 2 Салоникаликларга 3:6-15 каби парчаларда тузатувчи интизом буюрилган ва тасвирланган.
  • Бунёд этувчи: Янги Аҳднинг жуда кўп жойларида, муқаддасликка интилиш ва бир-бирининг имонини мустаҳкамлаш ҳақидаги парчаларда (масалан, Эфесликларга 4:11-32 ва Филиппиликларга 2:1-18) шакллантирувчи интизом ҳақида гапирилган. Аслида, биз Янги Аҳддаги мактубларга бунёд этувчи интизом намуналари сифатида қарашимиз мумкин, чунки ҳаворийлар жамоатларга нимага ишониш ва қандай яшашда уларни бунёд этишга ёрдам бериш учун мактублар ёзишган.

(Бу материалнинг баъзи қисмлари Марк Девернинг Соғлом Жамоат Нима? номли асаридан фойдаланиб тайёрланган [What is a Healthy Church? by Mark Dever], 101)